Video
Read full review
2021-01-14
640 views
係日本，周街都可以食到主打pancake嘅Cafe，今次介紹嘅係大阪人氣no.1過江龍疏乎厘pancake cafe Gram。大阪心齋橋至2014年開業就不斷排長龍，而係2018年終於喺香港開咗第一間分店，坐落於尖沙咀嘅THE ONE。店舖最出名嘅就係每日限量供應嘅premium pancake 疏乎厘pancake，每日只有11、3、6點三個時間出爐，每個時段只有20份，所以想食到嘅就要睇準時間黎。-🥞️⃣ Premium pancake💰138（👅: 7.5/10）首先pancake分兩種，一種係日式，空氣感爆棚，食完個pancake會熔化係個口入面，另一種係美式，食落口感係實啲，可能表面會煎焦啲無咁靚，香港暫時未食到美式呢種，日本東京反而會好多，例如6th by Oriental Hotel、Bills、rainbow。外觀非常靚，因為佢係將三個pancake疊上去，香港既疏乎厘pancake應該得呢間係咁擺，但睇到會小小皺皮，日本會仲靚。而份量都係多，每塊班戟規定要有4cm，總共有6吋厚，如果食量唔多既人可能會食到濟食唔哂。店內用既食材都係日本直送，班戟粉漿全部係日本製作，所
係日本，周街都可以食到主打pancake嘅Cafe，今次介紹嘅係大阪人氣no.1過江龍疏乎厘pancake cafe Gram。大阪心齋橋至2014年開業就不斷排長龍，而係2018年終於喺香港開咗第一間分店，坐落於尖沙咀嘅THE ONE。店舖最出名嘅就係每日限量供應嘅premium pancake 疏乎厘pancake，每日只有11、3、6點三個時間出爐，每個時段只有20份，所以想食到嘅就要睇準時間黎。
-
🥞️⃣ Premium pancake💰138（👅: 7.5/10）
Premium pancake
$138
17 views
1 likes
0 comments
首先pancake分兩種，一種係日式，空氣感爆棚，食完個pancake會熔化係個口入面，另一種係美式，食落口感係實啲，可能表面會煎焦啲無咁靚，香港暫時未食到美式呢種，日本東京反而會好多，例如6th by Oriental Hotel、Bills、rainbow。
外觀非常靚，因為佢係將三個pancake疊上去，香港既疏乎厘pancake應該得呢間係咁擺，但睇到會小小皺皮，日本會仲靚。而份量都係多，每塊班戟規定要有4cm，總共有6吋厚，如果食量唔多既人可能會食到濟食唔哂。
店內用既食材都係日本直送，班戟粉漿全部係日本製作，所用既低筋麵粉、雞蛋、就連水都是日本貨，經冷凍送到香港店，確保味道可以還原到日本既。
上枱一刻會聞到pancake既蛋香味，小暖，不過好快就會凍，所以係上面有重量既牛油都會隨即跌落黎，可能只係影幾張相之後就會跌落黎。
首先疏乎厘班戟喺偏向日式空氣感嗰種，由佢個menu既介紹就知"鬆軟可口，入口即融"，但食落去唔係真係好空氣感，口感係鬆軟但我會形容佢食落似海綿蛋糕，香港空氣感做得最好既pancake我覺得係flipper's 同 happy pancake，呢兩間真係做到一咬落去就溶化，而gram呢種我覺得口感有D兩頭唔到岸，而且用叉吉落去羅上黎都唔會散，代表佢唔夠fluffy。
牛油偏硬，好似雪糕咁，蜜蜂有小小花香味，Pancake偏乾身，唔係濕潤既質感，味道比較淡，要好靠牛油同蜜糖。
通常我食野唔睇價錢，如果佢真係好好食既話，我比幾多錢都會食，但食完呢個pancake同我想像中好食既pancake有出入，望望個價錢138就覺得有啲不值，個人覺得好食既flippers 同happy pancake都只係99 同108，如果係想食空氣感既梳乎厘班戟我諗唔會黎gram。
-
🥞️⃣ 石板街班戟 💰118（👅: 7/10）
石板街班戟
$118
9 views
1 likes
0 comments
係一個有三層既朱古力石板街班戟， 擺上枱會聞到好香朱古力味。
頂層首先係新鮮士多啤梨加上吉士同朱古力片，吉士味道適中唔會太濃。
然後係班戟，蛋香味係有，但質感係實唔係梳乎厘個種綿綿，口感比較普通，食落係凍同乾。
之後夾住香滑既忌廉，奶味非常重，可能有人會覺得over左D。
最後灑上朱古力醬同朱古力粉，濃濃既朱古力口味，伴碟仲有綿花糖同杏仁caramel。
朱古力粉同吉士cream係主要味道，因為pancake既味道唔夠，會比呢兩種蓋過，
可能呢兩樣既味比較重，所以食耐左會覺得甜膩。
-
🌟
Pancake口感好多種，但香港人應該比較鍾意空氣感多既pancake？一開始食gram呢個pancake我以為只係我個人口味問題，覺得佢唔夠好食，但同行既朋友有食過香港其他幾間都覺得有更好既選擇，雖然無食過大阪總店既質數有無分別，定關西人都係鍾意gram既口感，不過係香港既gram，純粹以梳乎厘班戟黎講我會有啲失望，建議大家想黎可以試其他甜品，人氣甜品好似意大利芝士蛋糕pancake、蜜瓜雪花冰等。-
👅味道: 7.5/10
🍴環境: 7/10
💰消費: $128 (服務費: NA)
❗ 每位最低消費一份食物/飲品
Post
