楓 (Closed)

今次黎到呢間日式餐廳，特別係主推大阪燒同烏冬，最緊要有埋特式甜品😋去到餐廳都好多人，等咗一陣先有位，裝修好有日式嘅風格，好適合打卡影相，餐廳係手機自助點餐，分類簡單直接，非常方便📱章魚大阪燒 + 蜂蜜柚子烏龍茶（$107）佢既大阪燒有三種口味，章魚，蝦，帶子，咁我地就揀左最傳統嘅章魚，上菜速度都好快，order完好快就送到，佢個賣相好好，材料豐富， 加埋大量柴魚，食落口感非常好，唔會有太多粉漿，最重要係佢嘅大阪燒汁唔會好濃，調味適中，食完唔會覺得太濃味，非常推介，而主餐送既嘢飲蜂蜜柚子烏龍茶，好適合食完大阪燒之後飲，夠曬清爽既配搭👍🏻香煎虎蝦蕃茄湯烏冬 + 芝麻豆乳（$97）第二個主食我地叫左烏冬，係蕃茄口味既，睇得出最湯底落左好多心思，蕃茄味濃郁，而且虎蝦都係大大隻，剝埋殼，好適合我呢d懶人，呢個餐既野飲，因為湯底比較清甜，我哋就選擇咗濃味少少既芝麻豆乳，係豆乳上面加左非常之濃既芝麻糊，口味非常特別，好濃既芝麻香，但又唔會太甜🍤乳酪雪糕(自由配）（$58）我地見每枱客都叫左乳酪雪糕，我地梗係叫一杯試一試，佢既乳酪雪糕係自由配搭，好多特別嘅口味同埋配料，因為我地係開心果迷，所以就揀咗開