Video
Read full review
2024-07-06
526 views
一間嚟自大陸嘅連鎖店，分店更加係超過一千間！今次喺香港開咗第一間分店，一入到去已經全場full晒，真係好誇張。酸湯三鮮米線 (加腰花&蘭花干) $96 湯底裡面加入咗蕃茄，湯底好濃郁，個感覺同譚仔過橋差唔多，又係乜餸都有仲要餸多過米線咁滯，最吸睛係塊巨型豆卜🤩另外第一次食豬腰花，好特別！味道比豬潤更濃少少，啱晒鍾意食內臟嘅人🤓酸菜虎皮豬蹄米線 (加蝦滑7粒) $93係我最愛嘅酸菜湯😍 湯裏面有勁多酸菜。同埋隻豬手真係好震撼，大嚿得嚟啖啖肉，而蝦滑就爽口彈牙又大粒，太多餸真係食唔晒🥹鍋巴土豆🥔 $20薯角炸得好脆，再淋上酸辣醬，個size啱啱好可以一啖一粒。炸蛋🍳 $10係一款將蛋液放入油炸出嚟嘅小食，店員提醒要浸入湯度食，浸淋咗之後索埋啲汁真係好正👅磁粑油條 $16外型好可愛，好似隻船仔咁🤣油條中間夾住磁粑，再灑上黑芝麻碎，唔會太甜，唔錯！
酸湯三鮮米線 (加腰花&蘭花干) $96
湯底裡面加入咗蕃茄，湯底好濃郁，個感覺同譚仔過橋差唔多，又係乜餸都有仲要餸多過米線咁滯，最吸睛係塊巨型豆卜🤩另外第一次食豬腰花，好特別！味道比豬潤更濃少少，啱晒鍾意食內臟嘅人🤓
酸菜虎皮豬蹄米線 (加蝦滑7粒) $93
係我最愛嘅酸菜湯😍 湯裏面有勁多酸菜。同埋隻豬手真係好震撼，大嚿得嚟啖啖肉，而蝦滑就爽口彈牙又大粒，太多餸真係食唔晒🥹
鍋巴土豆🥔 $20
薯角炸得好脆，再淋上酸辣醬，個size啱啱好可以一啖一粒。
炸蛋🍳 $10
係一款將蛋液放入油炸出嚟嘅小食，店員提醒要浸入湯度食，浸淋咗之後索埋啲汁真係好正👅
磁粑油條 $16
外型好可愛，好似隻船仔咁🤣油條中間夾住磁粑，再灑上黑芝麻碎，唔會太甜，唔錯！
Post
