大食代 (奧海城二期)

Open Now

Now Closed

奧海城 大食代 三餸飯今日路經奧海城，去咗佢哋嘅food court醫肚，個場雖然唔係好大，但都有好多不同選擇，見到佢哋有三餸飯，以前未試過，今次就試吓好唔好食。叫咗個肉餅同咕嚕肉，仲有炒青菜送例湯及白飯，盛惠53個大洋。肉餅味道OK，雖然有少少乾，但係都夠彈牙，好有屋企阿媽煮嘅風味，而咕嚕肉就好Standard，其他地方都食得到呢種水準，唔會太過甜或酸，但係肉嘅size就比較細，如果大嚿啲就仲更加好，細細嚿當係攝牙罅。而嗰碟炒菜都可以，唔會煮到過腍或過熟，有啲水準。至於例湯就好勉強喇！紅蘿蔔粟米湯，好有味之素嘅風格。再講多啲個場嘅環境，整個food court 清潔乾淨，地下唔會污糟邋遢油淋淋，雖然地方狹窄，但係夠光猛兼無油煙味，空氣清新食嘢都開心。見到啲清潔美女好勤力工作，凳嘅擺放好整齊，食客一走，佢哋就立即行動，抵讚！