Video
Read full review
2021-08-24
670 views
預知8月1日會收到消費劵, 心思思想出街食嘢, 咁啱大姪女話想食滬江(我地係九龍人, 一向食開尖沙咀滬江), 咁就訂位食餐晏啦, 亦順便補祝大姪女生日.雖然是星期日中午, 都坐咗7成枱. 我們主要係來試吓一人午市商務套餐, 每人叫一個套餐, 包一個例湯, 一個前菜, 一個主菜, 一個點心或飯麵, 送一杯檸樂, 再送一個糖水. 睇落好似好多, 其實每樣份量不大, 普通女仔可能食得飽嘅, 但我地兩姐妹大食, 所以再在套餐餐牌中選多一個主菜(特價$88), 再另外叫多一碟炒年糕($110).點完菜就會送上電腦單, 叫咗什麼菜式都一清二楚.很快食物陸續上枱, 速度唔慢架.三碗廣東式例湯: 青紅蘿蔔豬骨雞腳湯前菜一: 蘿蔔絲海蜇皮前菜二: 鹽水鴨片前菜三: 醉豬手主菜一: 蘆蒿肉絲香乾(呢個係4個主菜中最好食的)主菜二:椒鹽排骨主菜三:紅燒獅子頭特價加的主菜: 金湯酸菜魚片1麵食: 蔥油拌麵2點心: 4個小籠包薺菜肉絲炒年糕, 係好食嘅, 但相比以前在此食過的毛蟹炒年糕仍是差一些, 那個真係非常好食!每人一碗紅豆沙點解有2張單? 第一張係原價$755, 第2張係因為當時滬江做緊折扣, 消費滿$5
咁就訂位食餐晏啦, 亦順便補祝大姪女生日.
雖然是星期日中午, 都坐咗7成枱. 我們主要係來試吓一人午市商務套餐,
每人叫一個套餐, 包一個例湯, 一個前菜, 一個主菜, 一個點心或飯麵,
送一杯檸樂, 再送一個糖水. 睇落好似好多, 其實每樣份量不大, 普通女仔可能食得飽嘅,
但我地兩姐妹大食, 所以再在套餐餐牌中選多一個主菜(特價$88), 再另外叫多一碟炒年糕($110).
點完菜就會送上電腦單, 叫咗什麼菜式都一清二楚.很快食物陸續上枱, 速度唔慢架.
三碗廣東式例湯: 青紅蘿蔔豬骨雞腳湯
前菜一: 蘿蔔絲海蜇皮
前菜二: 鹽水鴨片
前菜三: 醉豬手
主菜一: 蘆蒿肉絲香乾(呢個係4個主菜中最好食的)
主菜二:椒鹽排骨
主菜三:紅燒獅子頭
特價加的主菜: 金湯酸菜魚片
1麵食: 蔥油拌麵
2點心: 4個小籠包
薺菜肉絲炒年糕, 係好食嘅, 但相比以前在此食過的毛蟹炒年糕仍是差一些, 那個真係非常好食!
每人一碗紅豆沙
點解有2張單? 第一張係原價$755, 第2張係因為當時滬江做緊折扣, 消費滿$500就每$100有85折,所以最後實收$650
滬江的上海菜中中等等, 唔新潮但味道幾正宗, 食落冇驚喜但又確係幾好食,
出品質素穩定, 價錢中等, 算係一個食中價上海菜的好地方.
Other Info. :
滬江的服務一向普通, 但今次讓我們碰到啼笑皆非的情況.
我記得以前都來食過一些午市套餐, 當時送的飲品係豆漿或竹蔗水,
但今次送來的是內有檸檬片的可樂, 好自然就問女侍應取茶匙用來督檸檬,
點知佢回應話冇茶匙喎, 你地用自己的筷子督啦......
我們望一望自己對筷子, 3個人全部用來食過枱上的紫菜花生, 上面仲有紫菜碎,
點樣插入杯可樂呀? 唯有叫侍應攞對新筷子來督檸檬.
呢件事又唔怪得晒侍應, 滬江嘅管理層諗諗轉飲品啦.
(The above review is the personal opinion of a user which does not represent OpenRice's point of view.)
Post
