Mango Tree Kitchen (形點) (Closed)

好少過元朗嗰邊玩同食嘢，探完friend 之後帶咗我去Yoho 1嘅Mango Tree 食tea, 一入去好有泰國旅遊feel, friend 叫咗個“水漾滋味泰式下午茶餐，我都聽過人講過，上菜時眼前一亮😍，有芒果蝦沙律，兩隻特大雞翼，牛柳串燒，泰式炸魚餅加迷你漢堡，伴菜有個柚子沙律添，仲有個黃咖哩撈麵，甜品又有奶凍，芒果芝士蛋糕椰汁西米糕，千層糕等，嗰日天氣暑熱我地叫咗飲品椰香三色冰，柚子熱情果梳打，柚子蜜等。食甜品前大家坦白不如去盡d，於是叫多咗個午市二人套餐，有五味脆皮雞，雞好食加埋d特製炸蝦片冇得輸，最後好傳統地以一個菠蘿海鲜炒飯埋尾，卒之輪到甜品嗰邊胃啦，仲要叫埋個雪糕薄餅🤭，為假日食嘢畫上完美句號。D waitress 嘅服務態度好細心，主動快速，上菜換碟時間恰到好處，唔洗追嘢放心食，抵讚👍👍👍埋單時至知嗰下午茶餐有小禮物送㗎👏👏👏👏👏