Candy Shake (Closed)

是日經過登打士街，見到呢間甜品店真係好多人有不同味道的芝士撻賣，好香好吸引可惜當日腸胃有少少唔舒服，冇咩胃口食芝士撻！所以呢就點左個牛奶布甸！呢度嘅牛奶布甸價格合理，比平時食貴幾蚊，但係呢就大個其他常見嘅牛奶布甸足足一倍，size 真係有平時響便利店買牛奶瓶咁上下大瓶嘅布甸啊！布甸香濃而且很滑，味道不會太甜，清清地，奶味香！超正，而且瓶身好靚，拎返屋企插化妝掃高度剛好！同行友人就叫咗個牛奶芝士甜品，一個唔食甜野嘅人都可以被呢個甜品杯吸引，香滑無比，芝士同奶十分平衡，而且價錢很抵吃！值得一試，下次要試吓佢哋新鮮出爐嘅芝士撻先！