Video
Read full review
2022-09-15
495 views
有無人都好鍾意食乳豬！今次專程黎到銅鑼灣嘅粵藝館，一嚐猛火燒人手轉嘅芝麻皮乳豬！一抵達粵藝館，就見到師傅係到燒製乳豬，吸引左唔少途人嘅目光~ 餐廳裝潢有氣派，寛敞舒適，氛圍唔會太拘謹。海港城分店亦已開幕，好似仲有維港景添▪️即燒無花果天下第一豬 $348/例牌人手即燒嘅乳豬超靚仔！外皮呈密密麻麻嘅小氣泡，咬落脆到卡卡聲。下層嘅肉嫩滑唔乾柴，腩位更帶油香。醃料份量恰到好處，唔會搶過肉味，基本上唔洗點醬都好好食。▪️無花果蜜絲咕嚕豚肉 $168見其他人都有拔絲嘅效果，但我夾起個下。。少失望。好彩食落味道都唔錯，外層keep到香脆，肉質較為紮實有咬口，甜度唔會太高。▪️一蟹兩藝: 皇室焗釀蟹蓋及炸軟殼蟹伴陳醋野菜沙律 $168一蟹兩食！焗釀蟹蓋外層薄身酥脆，內𥚃絲絲蟹肉 加入忌廉同芝士營造creamy口感，但食落難免有少少膩。炸蟹腳同樣香脆，肉厚多汁，調味十足，略嫌有少少油膩。不過底下就配左陳醋野菜沙律，酸酸地可中和其油膩感。▪️鰹魚花醉鮑魚(2隻) $148鮑魚爽滑彈牙，咬勁十足，酒香唔算太重，面頭加有鰹魚作點綴。▪️涼子十八斬 · 話梅醉乳鴿 $148乳鴿肉質軟腍，入味帶酒香，有啲位幾重話梅味
▪️即燒無花果天下第一豬 $348/例牌
人手即燒嘅乳豬超靚仔！外皮呈密密麻麻嘅小氣泡，咬落脆到卡卡聲。下層嘅肉嫩滑唔乾柴，腩位更帶油香。醃料份量恰到好處，唔會搶過肉味，基本上唔洗點醬都好好食。
▪️無花果蜜絲咕嚕豚肉 $168
見其他人都有拔絲嘅效果，但我夾起個下。。少失望。好彩食落味道都唔錯，外層keep到香脆，肉質較為紮實有咬口，甜度唔會太高。
▪️一蟹兩藝: 皇室焗釀蟹蓋及炸軟殼蟹伴陳醋野菜沙律 $168
一蟹兩食！焗釀蟹蓋外層薄身酥脆，內𥚃絲絲蟹肉 加入忌廉同芝士營造creamy口感，但食落難免有少少膩。炸蟹腳同樣香脆，肉厚多汁，調味十足，略嫌有少少油膩。不過底下就配左陳醋野菜沙律，酸酸地可中和其油膩感。
▪️鰹魚花醉鮑魚(2隻) $148
鮑魚爽滑彈牙，咬勁十足，酒香唔算太重，面頭加有鰹魚作點綴。
▪️涼子十八斬 · 話梅醉乳鴿 $148
乳鴿肉質軟腍，入味帶酒香，有啲位幾重話梅味 不過就會稍微偏甜。面頭仲有唔少浸過酒嘅話梅粒。
▪️不時不燉湯 $138
是日燉湯為西班牙火腿螺頭燉花膠~ 望落清清地，但入口都幾重火腿鹹香，又唔會好油。花膠大大塊，螺頭煲得好腍呢~
▪️花膠天白菇菜膽 $188
花膠超大塊！有一定厚度，入口腍滑，略嫌醬汁味道偏淡。
▪️瓦罉啫啫唐生菜 $128
一打開蓋超香！唐生菜爽口，有唔少蝦乾同肉碎，夠味得黎唔會太鹹。
Post
