餃掂手工餃子雲吞專門店

今日去左新都城"餃掂"食晚餐，一聽個名就知食餃子啦。餐廳格局好得意，餐廳形狀似彎月，位唔係太多，但坐得舒服。我都幾鐘意食餃子，鐘意有好多唔同口味，呢度既餃子全部人手包，全部都大大粒。龍鳳松茸雙湯餃 92今日出糧，食餃子都可以食好啲，就揀左呢款雙口味，白松露餃加黑松露餃，黑松露香味濃郁，白松露就清香啲。呢個仲跟個狀元九鼎湯，用左粉葛、鯪魚、赤小豆等等去煲，徤康有益，係無味精架。食完湯餃再食煎餃，煎得好金黃，好脆口。煎莞茜豬肉餃 57鐘意莞茜味，夠唒香。煎芝士粟米豬肉餃 52滿滿芝士超邪惡。麻辣松花皮蛋 25流心皮蛋，個調味好正。