Video
Read full review
2020-04-12
240 views
星期日下午通常都係同屋企人享受天倫樂嘅時間，特別喜歡星期日去飲茶，因為去完教堂，呢個應該係最好嘅活動。不過依家好多酒樓都休息，我哋去開半山壹號嘅酒樓都暫停營業14日。之前試過一次逸東軒個優惠，都知道呢排好多酒店都提供唔同嘅餐飲優惠，不過好多都係平日先至有優惠，好少星期六日都會有宣傳。然後發現川流竟然星期六日都有優惠。我之前食過夜晚廚司發辦，七百幾蚊一位都幾精彩。不過夜晚價格都幾貴，所以我沒有想像下午飲茶可以平成咁。$168一位，精選假日任食點心，90分鐘任你食，而且這裏的點心選擇都幾多。小籠包和燒鵝包也是必吃的選擇，尤其是燒鵝包嘅餡非常正，小籠包咬下去全是豐滿嘅汁。常見嘅蝦餃、燒賣和豆苗餃相對來說比較普通。最推介嘅係爆汁芝麻牛肉餅鍋貼，煎得勁香勁脆，入面全都是滿滿的牛肉。百花煎釀蘿蔔糕也是必點的選擇，外邊肯定食唔到咁美味嘅蘿蔔糕。仲有雖然我唔食得辣，但呢度嘅酸辣抄手好正，我諗起之前夜晚食過好美味嘅酸辣湯。最後沙律吧可以任食：蒜泥白肉、川北涼粉、棒棒雞，仲有甜品豆腐花真係食極都唔厭。當然如果比起逸東軒佢冇咁好嘅原因，就係佢得個半鐘任食，較為趕一點，冇得坐低慢慢嘆。不過老實說，如果星期六日
之前試過一次逸東軒個優惠，都知道呢排好多酒店都提供唔同嘅餐飲優惠，不過好多都係平日先至有優惠，好少星期六日都會有宣傳。然後發現川流竟然星期六日都有優惠。
我之前食過夜晚廚司發辦，七百幾蚊一位都幾精彩。不過夜晚價格都幾貴，所以我沒有想像下午飲茶可以平成咁。
$168一位，精選假日任食點心，90分鐘任你食，而且這裏的點心選擇都幾多。
小籠包和燒鵝包也是必吃的選擇，尤其是燒鵝包嘅餡非常正，小籠包咬下去全是豐滿嘅汁。
常見嘅蝦餃、燒賣和豆苗餃相對來說比較普通。
最推介嘅係爆汁芝麻牛肉餅鍋貼，煎得勁香勁脆，入面全都是滿滿的牛肉。
百花煎釀蘿蔔糕也是必點的選擇，外邊肯定食唔到咁美味嘅蘿蔔糕。
仲有雖然我唔食得辣，但呢度嘅酸辣抄手好正，我諗起之前夜晚食過好美味嘅酸辣湯。
最後沙律吧可以任食：蒜泥白肉、川北涼粉、棒棒雞，仲有甜品豆腐花真係食極都唔厭。
當然如果比起逸東軒佢冇咁好嘅原因，就係佢得個半鐘任食，較為趕一點，冇得坐低慢慢嘆。
不過老實說，如果星期六日以一個咁震撼嘅價錢，加上又唔太貴嘅茶錢，仲有一個非常舒適嘅環境飲茶，我覺得可以享受一下天倫之樂，值得一去。
Post
