Video
Read full review
2022-07-10
36 views
約一年前同朋友已經拜訪過佢地食lunch, 知道佢地餐廳雖小但食物質素非常好,所以決定再次約朋友再訪晚市食豪啲！嚟得Oyster Cove 一定要食蠔！今次就叫咗六款蠔再拼馬糞海膽嘅海鮮盤，而食蠔當然要配返由Bourgogne Chablis 嘅白酒啦！Louis Max Chablis Saint Jean 2020食蠔叫呢枝由Bourgogne Chablis 出產嘅Chardonnay 係定律嚟架！ 全因為Chablis 嘅土壤底層蘊含住好多貝殼類嘅化石，所以喺度出產嘅白酒會有好豐富嘅礦物香氣，Pairing 返食蠔會令酒味同蠔味都推向極致！ 酒體本身偏向light body, 低甜度中高酸度，果香呈多種青水果果香(梨/青蘋果) 而且帶有陣陣嘅檸檬香，口感非常清新。Tia Maraa Pearl蠔偏淡味，味道清新，iron 味重，配白酒會令酒變甜，果香爆出。Speciales Lambert no.2蠔偏淡味，蘊含低調嘅鹹味，配白酒後會爆甜，令清香青蘋果加梨香味加重，而且仲會引發密瓜嘅香甜味道。Krystale no.2味道偏鹹，重iron味，配Chablis 會令酒味更清香，仲
約一年前同朋友已經拜訪過佢地食lunch, 知道佢地餐廳雖小但食物質素非常好,所以決定再次約朋友再訪晚市食豪啲！
嚟得Oyster Cove 一定要食蠔！今次就叫咗六款蠔再拼馬糞海膽嘅海鮮盤，而食蠔當然要配返由Bourgogne Chablis 嘅白酒啦！
Louis Max Chablis Saint Jean 2020
食蠔叫呢枝由Bourgogne Chablis 出產嘅Chardonnay 係定律嚟架！ 全因為Chablis 嘅土壤底層蘊含住好多貝殼類嘅化石，所以喺度出產嘅白酒會有好豐富嘅礦物香氣，Pairing 返食蠔會令酒味同蠔味都推向極致！ 酒體本身偏向light body, 低甜度中高酸度，果香呈多種青水果果香(梨/青蘋果) 而且帶有陣陣嘅檸檬香，口感非常清新。
Tia Maraa Pearl
蠔偏淡味，味道清新，iron 味重，配白酒會令酒變甜，果香爆出。
Speciales Lambert no.2
蠔偏淡味，蘊含低調嘅鹹味，配白酒後會爆甜，令清香青蘋果加梨香味加重，而且仲會引發密瓜嘅香甜味道。
Krystale no.2
味道偏鹹，重iron味，配Chablis 會令酒味更清香，仲令口中有密瓜軟糖嘅香味！
La Perle Noire Cocollos no.0
較creamy嘅口感, 比較低鹹度， iron 味偏中高，配Chablis 味道口中味道淡甜淡香，密瓜香甜感十足。
Gillardeau no.0
六款當中最濃味，雖然係最細隻但味道好厚，配Chablis 會爆出西瓜香甜味，非常特別！
韓國馬糞海膽
估唔韓國嘅海膽都拍得上日本出產嘅感覺，甜得嚟一啲都唔會覺得腥，而且Creamy口感勁度十足！
清酒蒜蓉煮活蜆湯
呢客蜆湯集西芹同陣陣黑椒嘅幽香，而且仲有住牛油香草味，蜆肉大大隻仲非常鮮甜，清酒味唔會太濃剛剛好
龍蝦忌廉意粉
好Creamy 嘅意粉，而且龍蝦肉，龍蝦膏都非常足料，奶油香味撲鼻但一啲都唔膩。
Post
