叁不館

Open Now

Now Closed

星期日和朋友慶祝生日, 夜晚同朋友去左天后食火鍋。餐廳裝修走懷舊風格, 播放八九十年代歌曲, 好有香港特色。湯底就揀左胡椒豬肚鍋, 胡椒味突出, 湯底濃郁, 雞肉嫩滑。我哋叫左安格斯牛板腱, 肉質鮮嫩, 牛味香濃。手打五寶丸有豬肉丸, 鯪魚丸, 蝦丸, 墨魚丸和牛丸等, 其中最突出係牛丸, 牛肉味濃, 咬落多汁彈牙。海鮮揀左海蝦和扇貝, 海蝦新鮮彈牙, 帆立貝鮮甜。水魷好新鮮, 食落好爽口唔韌。飲品叫左竹庶茅根海底椰, 可以滋潤喉嚨和解熱氣。我哋成晚都食得好開心, 餐廳長期都爆, 如果去食要一早打去餐廳book位。