Video
Read full review
2021-08-09
405 views
假日Cafe hopping 好似已經變成我最近嘅興趣同一個新常態。是日Hopping 揀咗天后呢一間好多人去打卡咖啡店 Coast Coffee 試吓佢啲嘢食。其實都知道呢間餐廳開咗一段時間，不過因為對有少少遠所以排到最近咁啱有嘢要過海順路先去。.咖啡店係一條小斜路上面，雖然好近天后地鐵站，但開嘅位置旺中帶靜唔會太繁忙。餐廳主要嘅打卡位其實係室外，室內裝修同最近開到成行成市嘅咖啡店比較只能叫簡約正常，唔好期望過高。揀呢間餐廳主要係因為佢正餐嘢食選擇種類好多，正常意粉、低卡、低碳甚至素食者都有照顧到，絕對可以當去一間正常餐廳用餐，唔驚搵唔到野食唔飽😋.泡菜炒椰菜花飯 配 雞髀肉 💲88⭐️3.8/5生酮友善餐廳，有兩款低碳既椰菜花飯選擇，幾有誠意。一早預要留Quota 俾甜品所以跟生酮朋友一齊揀咗一個椰菜花飯試下低碳生活。個人鍾意食泡菜，個椰菜花煮得幾淋索左汁幾好味。雞髀肉煎香但唔升juicy味道正常，如果減肥朋友都幾推介叫呢個。.黑蒜、黑毛豬頸肉 配 椰菜花飯 💲128⭐️ 3.5/5黑毛豬頸肉係好食嘅，但係我覺得個椰菜花飯用黑蒜加埋一啲香菇去處理後，冇泡菜椰版本咁開胃。不過朋友話滿意。
.
咖啡店係一條小斜路上面，雖然好近天后地鐵站，但開嘅位置旺中帶靜唔會太繁忙。餐廳主要嘅打卡位其實係室外，室內裝修同最近開到成行成市嘅咖啡店比較只能叫簡約正常，唔好期望過高。揀呢間餐廳主要係因為佢正餐嘢食選擇種類好多，正常意粉、低卡、低碳甚至素食者都有照顧到，絕對可以當去一間正常餐廳用餐，唔驚搵唔到野食唔飽😋
.
泡菜炒椰菜花飯 配 雞髀肉 💲88
⭐️3.8/5
生酮友善餐廳，有兩款低碳既椰菜花飯選擇，幾有誠意。一早預要留Quota 俾甜品所以跟生酮朋友一齊揀咗一個椰菜花飯試下低碳生活。個人鍾意食泡菜，個椰菜花煮得幾淋索左汁幾好味。雞髀肉煎香但唔升juicy味道正常，如果減肥朋友都幾推介叫呢個。
.
黑蒜、黑毛豬頸肉 配 椰菜花飯 💲128
⭐️ 3.5/5
黑毛豬頸肉係好食嘅，但係我覺得個椰菜花飯用黑蒜加埋一啲香菇去處理後，冇泡菜椰版本咁開胃。不過朋友話滿意。
.
焦糖蘋果雙層芝士蛋糕 💲55
⭐️4.3/5
呢個芝士蛋糕冇得頂，外觀打卡able，味道上我好鍾意。頂層芝士蛋糕好軟滑芝士味濃，中間嘅焦糖蘋果，切得好細粒，酸酸地似係食緊蘋果批嘅餡，解左芝士蛋糕既膩。底層係傳統餅底有啲焦糖香，個人好滿意。本來無人share仲驚食唔晒但係結果自己一個人清哂。
.
Espresso Tonic 💲45
⭐️3.8/5
Nutty 豆既Tonic，不過不失。
.
Cappuccino (Almond Milk) 💲45
⭐️?
作為健康同埋生酮友善餐廳，有脫脂奶同埋其他植物奶嘅咖啡選擇。我自己就唔鍾意飲杏仁奶，不過生酮版本嘅咖啡呢一個係唯一嘅選擇。朋友話OK，冇試過所以比唔到分。
.
今次先寫總結：可回頭原因
1️⃣有唔同種類健康生酮、低卡健康選擇比生酮朋友，如果想健康嘅話佢都仲有素 all day breakfast 可以試。
2️⃣佢件焦糖蘋果雙層芝士蛋糕打卡able得來真心好食😋。
不過因為對我來講唔算近，同埋最近開咗好多相類近嘅特色餐廳，所以真正要回頭應該都要啲時間。
.
不專業食評 nei.foodie
焦糖蘋果雙層芝士蛋糕
$55
58 views
0 likes
0 comments
焦糖蘋果雙層芝士蛋糕
$55
29 views
1 likes
0 comments
Espresso Tonic
$45
21 views
0 likes
0 comments
焦糖蘋果雙層芝士蛋糕
$55
12 views
0 likes
0 comments
泡菜炒椰菜花飯 配 雞髀肉
$88
11 views
0 likes
0 comments
黑蒜、黑毛豬頸肉 配 椰菜花飯
$128
14 views
0 likes
0 comments
Post
