Video
Read full review
2024-04-01
6 views
工業風cafe，原先想坐室外，因為本身鍾意chill住嘆咖啡，不過呢幾日真係有啲凍，等下次先！入到去第一印象係樓底好高，加上簡潔型格嘅裝修令人好放鬆，不失為一個朋友聚會/打卡嘅好地方📸餐牌方面，睇門面感覺到係主打咖啡為主，估唔到原來好多樣化！由 nibbles, soup, salad 到light meal, pasta, main course, dessert 一次過滿足晒！是日餐湯 - 南瓜湯 🥣唔係好重忌廉，反而係突顯南瓜嘅香味，飲晒成碗都唔覺heavy！自選沙律 - 蘆筍牛油果沙律配日式芥末油醋 🥗沙律係揀兩款配菜。蘆筍夠清脆，牛油果熟度啱啱好 👍🏻最欣賞嘅係除咗平時食開嘅沙律菜，仲有車厘茄，哈密瓜，藍莓同柑橘。因為我嗌嘅組合比較清淡，水果嘅加入令到個沙律增添咗甜味，加上菜嘅爽脆同沙律醋嘅酸，真係balance得好好，味覺上好豐富。黑松露雜菌意大利飯 🍄一上枱已經聞到勁香黑松露味！risotto嘅texture啱啱好，蘑菇量多而且味道濃郁。每一啖都好豐富，好滿足。慢煮美國封門柳伴薯蓉配燒肉汁 🐮全晚最驚喜!! 朋友揀咗呢個main，冇為意係慢煮，以為係普通煎牛扒。封門柳係牛
入到去第一印象係樓底好高，加上簡潔型格嘅裝修令人好放鬆，不失為一個朋友聚會/打卡嘅好地方📸
餐牌方面，睇門面感覺到係主打咖啡為主，估唔到原來好多樣化！由 nibbles, soup, salad 到light meal, pasta, main course, dessert 一次過滿足晒！
是日餐湯 - 南瓜湯 🥣
唔係好重忌廉，反而係突顯南瓜嘅香味，飲晒成碗都唔覺heavy！
自選沙律 - 蘆筍牛油果沙律配日式芥末油醋 🥗
沙律係揀兩款配菜。蘆筍夠清脆，牛油果熟度啱啱好 👍🏻
最欣賞嘅係除咗平時食開嘅沙律菜，仲有車厘茄，哈密瓜，藍莓同柑橘。因為我嗌嘅組合比較清淡，水果嘅加入令到個沙律增添咗甜味，加上菜嘅爽脆同沙律醋嘅酸，真係balance得好好，味覺上好豐富。
黑松露雜菌意大利飯 🍄
一上枱已經聞到勁香黑松露味！risotto嘅texture啱啱好，蘑菇量多而且味道濃郁。每一啖都好豐富，好滿足。
慢煮美國封門柳伴薯蓉配燒肉汁 🐮
全晚最驚喜!! 朋友揀咗呢個main，冇為意係慢煮，以為係普通煎牛扒。封門柳係牛裡面算瘦嘅部位，所以如果係煎基本上都expect佢會鞋同乾。估唔到呢個切開係眼見好juicy,食落更係非常嫩滑同牛味濃郁！第一次食USDA Prime grade嘅封門柳（忍唔住問咗啲staff)，估唔到咁出色。薯蓉食落唔算多牛油，但口感依然順滑。對於我呢個(懶)注重健康嘅人來講，呢一道真係冇得輸👍🏻
薑汁鮮奶咖啡 ☕️
最後就以一杯平時比較少見嘅薑汁latte做ending
可以自行選擇咖啡豆（淺/中/深烘培配方）同奶。杯咖啡好夠薑，飲得出係新鮮嘅薑汁唔係溝粉。加入的黑糖和奶中和了咖啡的苦和薑的辣，結合出一種多層次嘅口感。
價錢合理，食物高質有誠意
Post
