碗盛 (Closed)

居酒屋嘅三大重點：酒、送酒小食、串燒，碗盛都做得好好食🤩首先緊係叫咗第一個重點先 ─ 酒。個【辣椒梅酒】好得🤤，男女士都啱飲。甜得嚟夠梅香，辣味係吞落喉個下滲出嚟，好過癮而且辣得嚟舒服☺️到第二個重點 ─ 送酒小食。【燒日本味淋雞泡魚干】相信雞泡魚干係大部分人去居酒屋都必叫嘅小食之一。佢哋嘅燒醬汁係自家制，味道啱啱好，魚干質地偏淋身，好juicy👍🏼第三個重點亦都係叫得最多嘅 ─ 串燒&燒物。燒物一定推介【自家制西京鱈魚燒】，鱈魚本身已經好好食，加埋哩個醬汁簡直係升哂級。香到不得了，油份都啱啱好，醬汁甜但冇搶咗個魚味🤤👍🏼串燒就叫咗【岩鹽燒慢煮雞扒】【自家制醬燒金菇牛肉卷】【日本五花腩】【醬燒秋葵】，全部個醬汁都燒到入哂味，食得好開心。尤其個雞扒，食到炭燒嘅香味。🤤其實仲叫咗兩個前菜，兩份主食，同一份甜品。前菜有【自家制胡麻醬菠菜沙津】同【紫蘇青瓜漬】。酸酸甜甜味道幾醒胃，忍唔住係咁食主食叫咗【自家制玉子燒】同埋【A5日本和牛多士】。玉子燒好香蛋味而且好滑，甜甜哋咁。而和牛多士塊牛真係食得出係靚料，油份啱啱好。甜品就有【焦糖卷蛋】，幾有驚喜，唔會太甜，蛋糕軟熟。今晚全部嘢食都好滿意🤤而且