順日本料理 (Closed)

📍 順日本料理 (天后)天后永興街23號地舖———————————————厚燒牛舌飯(💰: 158 hkd)呢個絕對係鎮店之寶!!🤩❤️❤️ 飯面鋪咗五大片牛舌，仲要每一塊都超級厚切，應該有成2cm咁厚，食落Juicy得來好有咬口，加咗啲黑椒醬汁煎落好香，全部都充滿彈性一啲都唔會韌，如果可以多番少少醬汁送飯會仲好🤭～照燒銀鱈魚定食(💰: 170 hkd)銀鱈魚魚肉好嫩滑，魚皮表面幾脆口，魚油幾香，配上甜甜地嘅燒汁同埋檸檬都幾夾，定食配埋日式沙律麵豉湯同漬物，食完都幾夠飽😋香煎鵝肝(💰: 130 hkd)鵝肝油脂超香😍入口即溶！外層煎到焦香微脆，裏面仍保持到嫩滑口感，配埋多士一齊食冇咁膩，真係百吃不厭😚香蒜焗蠔 (2隻)(💰: 80 hkd)本身想叫生蠔，點知應該太多人叫，我哋去到已經冇晒🥺 於是叫咗焗蠔～焗蠔表面鋪滿晒蒜，都好香好惹味！原來餐廳已經喺天后屹立咗30年，平時都有好多熟客仔幫襯呢～ 下次嚟開呢頭都一定要再回訪，食佢嘅超厚牛舌🤭整體評分 (6個🐽為滿分)味道：🐽🐽🐽🐽🐽🐽抵食：🐽🐽🐽🐽🐽環境：🐽🐽🐽🐽服務：🐽🐽🐽🐽🐽🐾: 天后站A2出口步行4分鐘