延

Open Now

Now Closed

雖然唔係成日見，但每年都會同好朋友過生日💜今年就揀咗天后嘅「延Nobe」同佢食生日飯，本身想嗌鱈場蟹餐，但今晚蟹冇貨😭所以我地就揀咗活龍蝦同活鮑魚餐各一share食😋我地再追加多隻瀨尿蝦，成隻手臂咁長，一餐好豐富嘅海鮮鐵板燒🉐前菜汁煮蘿蔔牛腩，蘿蔔清甜牛腩燉得軟稔入味，有驚喜溫室野菜沙律沙律菜新鮮爽脆，配搭酸汁零舍開胃澳洲活鮑魚/ 活龍蝦黑鮑魚超大隻，仲大過一個拳頭，質感軟稔，鮑魚味濃郁，以牛油鹽同黑椒輕輕調味，更能突出鮑魚原有嘅鮮味龍蝦上枱時仲係郁緊架，非常新鮮，肉質彈牙，配上龍蝦膏醬去烹調，味道濃郁之餘仲提升嘅龍蝦嘅鮮味北海道帆立貝上枱時下面會有個爐仔熱住佢，帆立貝厚肉鮮甜，加入海帶湯汁更能增添貝類嘅鮮味，記得一定要飲晒個湯，又鮮又甜白甘鯛立鱗燒魚皮燒得金黃色脆卜卜，魚肉厚身結實，食落啖啖肉，底下配有軟滑香棉嘅薯蓉，吸收咗魚油嘅香味，好食海參配明太子/ 日本響螺海參係普遍鐵板燒比較少見嘅一道菜，滑溜嘅海參配上明太子醬，冇腥味之餘仲食到鹹鮮嘅味道響螺口感爽脆，只需灑上鹽同黑椒調味，更加能食得出響螺嘅鹹鮮味道追加：瀨尿蝦、清酒煮蜆揀咗隻有膏嘅瀨尿蝦，可惜今次嘅瀨尿蝦有啲失準，肉質有啲鬆