Video
Read full review
2015-10-09
1092 views
相信好多人同我一樣，覺得日日咁辛苦做嘢，無非都係為咗食返餐好既，今日收工同朋友去食飯，朋友建議去太子既Café Paradise度食。一入到去我地一人點咗一個set dinner，set dinner包一碗湯、一個沙律、一個主菜同埋一杯飲品，另外我地仲各自點咗杯沙冰，同埋一個小食。沙律用料新鮮，只係係上面加啲油醋落去，食落啖啖新鮮蔬菜，感覺非常fresh，認真開胃醒神。餐湯係忌廉粟米湯，濃濃忌廉味加埋鮮味粟米粒，甜而不膩，唔會遮住啲粟米味之餘仲好夾添。士多啤梨香蕉沙冰，士多啤梨加埋香蕉落去令到原本平平無奇既味道起咗唔少變化，唔單止唔會掩蓋咗士多啤梨味，反而令到士多啤梨味更加突出，同埋炎炎夏日有咩好得過食杯沙冰歎下呢﹖同埋餐飲轉沙冰都只係加$15，認真係抵﹗主菜我同朋友一個點咗豬手一個點咗牛排，豬手肥而不膩，充滿collagen，而外皮亦不失香脆。聽waitress姐姐講，呢味豬手佢地係用滾水汆咗兩次水，先再拎去焗，難怪隻豬手一啲都唔油膩啦。另外，牛排用料一啲都唔求其，肉味非常濃郁，而且食落一啲都唔靭，我同朋友都食到停唔到手。兩款主菜均配上薯菜一齊上碟，但薯菜就並唔係用薯條而係用薯角，一
沙律用料新鮮，只係係上面加啲油醋落去，食落啖啖新鮮蔬菜，感覺非常fresh，認真開胃醒神。
餐湯係忌廉粟米湯，濃濃忌廉味加埋鮮味粟米粒，甜而不膩，唔會遮住啲粟米味之餘仲好夾添。
士多啤梨香蕉沙冰，士多啤梨加埋香蕉落去令到原本平平無奇既味道起咗唔少變化，唔單止唔會掩蓋咗士多啤梨味，反而令到士多啤梨味更加突出，同埋炎炎夏日有咩好得過食杯沙冰歎下呢﹖同埋餐飲轉沙冰都只係加$15，認真係抵﹗
主菜我同朋友一個點咗豬手一個點咗牛排，豬手肥而不膩，充滿collagen，而外皮亦不失香脆。聽waitress姐姐講，呢味豬手佢地係用滾水汆咗兩次水，先再拎去焗，難怪隻豬手一啲都唔油膩啦。另外，牛排用料一啲都唔求其，肉味非常濃郁，而且食落一啲都唔靭，我同朋友都食到停唔到手。兩款主菜均配上薯菜一齊上碟，但薯菜就並唔係用薯條而係用薯角，一啲都唔偷工減料，認真誠意之選。
芝士雞棒用新鮮雞肉加埋雞軟骨一齊攪碎做免治雞肉，上面仲有一層厚厚既芝士，一啖咬落去除咗食到芝士既濃香同埋啖啖嫩滑雞肉之外，仲有一啲脆脆既口感，厚來係攪碎咗雞軟骨，令到口感更加豐富，好味﹗
藍莓芝士蛋糕，入口啖啖藍莓既清香，加上濃郁芝士味，至於芝士蛋糕結實既口感同鬆軟既餅底亦都令到呢件芝士蛋糕層次更加豐富。
呢間餐廳雖然無好靚既環境，但勝在食物質素認真唔錯，加上waitress招呼週到同埋活潑開朗又健談，每次上菜都帶住好親切既笑容好細心咁講解每樣食物，真係有時同佢地傾下計開心下都值回票價，再加上啲食物質素又唔錯，真係感覺賺咗。
Post
