Cafe Paradise (Closed)

係出邊見到個夢幻摩天輪就俾好奇心帶領入去睇下。夜晚有好多既套餐食。原來都可以係另外既menu度將啲個別既主菜轉做套餐，好彈性。先飲杯熱既檸茶。定一定神，因為今日返工好累。揀左香辣鮮蝦意飯。意飯既擺設好靚。紅色既意飯上邊加埋一條炸蝦。意飯仲有幾條大鮮蝦。口味有少少辣味。呢個辣味係會令欣女好開胃。意飯口感整得好，軟但米心有微硬，吸曬意飯汁。成個意飯就係入味。出邊食過好多意飯一係米心太硬，一係意飯太乾。但呢間既意飯真係整得高水平。蝦新鮮所以彈牙有鮮味。好難得食到咁好味既意飯。黑松露蘑菇湯。食到野既蘑菇湯比齋湯更好飲。咬到蘑菇粒特別爽口。黑松露陣味同蘑菇混得靚，味道欣女俾9分。套餐還有沙律。清清地之後再黎個主食意飯。有清到濃味，安排得好。甜品還有波波雪糕。呢個波波雪糕係有Oreo係入邊。味道似麥旋風，但唔同既係雪糕好幼，食到好滑還有雲尼拉香味。有啲心思。整體黎講欣女覺得係到達above average 既咖啡聽。食完先知原來有幾間分店，唔怪得咁好味。