Video
Read full review
2024-06-28
1131 views
天天海南雞飯 Tian Tian Hainanese Chicken Rice📍銅鑼灣京士頓街9號Fashion Walk地下H2號舖我今年同朋友都暫時未有打算出遠門，正正因為咁，我哋都好有興趣發掘一下香港嘅異國特色料理，感受一下去旅行食好嘢嘅滋味。有一日我同佢提起新加坡美食，先發現完來佢未食過人氣爆燈嘅天天海南雞飯，於是我摷返幾年前去新加坡，專誠拜訪當地food centre排隊食嘅海南雞飯比佢睇。睇相已經好吸引，再加埋喺旁邊加多兩錢肉緊，佢最終忍唔住，話要去香港分店食一食，過過口癮。 💰$109迷迭香火焰黑金叉燒 🥓廚師特意選用西班牙豬腩肉製成叉燒，先將其煎香，再以特製醬汁慢煮9個字，達致外香內嫩。叉燒肥瘦分明，燒香過後嘅油脂唔會太油膩，上菜時店員會即場淋上玫瑰露，然後用火槍燒香叉燒同旁邊嘅迷迭香、桂皮等配料，場面非常吸睛，同時有陣陣香氣溢出。叉燒肥肉部份入口即化，瘦肉唔會過乾過老，醬汁濃郁、香甜味十足，非常好食。 💰$169/中份新加坡天天無骨海南雞 🐓我個人認為判斷海南雞好食與否，有三大條件考慮。一、雞皮，雞皮能夠做到皮爽不膩，絕非易事。二、雞肉，雞肉去骨後唔會「甩皮甩骨」，賣
📍銅鑼灣京士頓街9號Fashion Walk地下H2號舖
我今年同朋友都暫時未有打算出遠門，正正因為咁，我哋都好有興趣發掘一下香港嘅異國特色料理，感受一下去旅行食好嘢嘅滋味。有一日我同佢提起新加坡美食，先發現完來佢未食過人氣爆燈嘅天天海南雞飯，於是我摷返幾年前去新加坡，專誠拜訪當地food centre排隊食嘅海南雞飯比佢睇。睇相已經好吸引，再加埋喺旁邊加多兩錢肉緊，佢最終忍唔住，話要去香港分店食一食，過過口癮。
[價錢 Price]
💰$109
迷迭香火焰黑金叉燒 🥓
廚師特意選用西班牙豬腩肉製成叉燒，先將其煎香，再以特製醬汁慢煮9個字，達致外香內嫩。叉燒肥瘦分明，燒香過後嘅油脂唔會太油膩，上菜時店員會即場淋上玫瑰露，然後用火槍燒香叉燒同旁邊嘅迷迭香、桂皮等配料，場面非常吸睛，同時有陣陣香氣溢出。叉燒肥肉部份入口即化，瘦肉唔會過乾過老，醬汁濃郁、香甜味十足，非常好食。
[價錢 Price]
💰$169/中份
新加坡天天無骨海南雞 🐓
我個人認為判斷海南雞好食與否，有三大條件考慮。一、雞皮，雞皮能夠做到皮爽不膩，絕非易事。二、雞肉，雞肉去骨後唔會「甩皮甩骨」，賣相能還原去骨前嘅狀況為佳；做到肉質緊實而嫩滑，又係一大學問。三、醬料，優質醬料能提昇雞肉嘅鮮美，同時唔會過份搶戲，可以隨喜好搭配轉換口味，至值得加分。
天天海南雞嘅雞皮爽口彈牙，清爽無油膩感；中份雞擺盤優雅，即使係雞胸肉仍然相當滑嫩；秘製醬汁令海南雞味道昇華，分別搭配薑蓉、辣汁同黑豉油則能帶出地道南洋風味，連伴碟青瓜都清新可口，整道菜無可挑剔，滿分滋味絕對值回票價。
[價錢 Price]
💰$23/碗
雞油飯 🍚
天天話明係雞飯之王，點可以唔整返碗靚油飯配雞食呢？呈小麥色嘅雞飯乾濕度適中，入口盡是油香，飯粒飽滿唔黏膩，大家一定要試試！可惜我哋個胃比較細，只能單點一碗，否則我會選擇原煲上嘅一窩雞飯，價錢較便宜，同時適合多人享用！
[價錢 Price]
💰$89
肉末豆腐水晶粉 🍲
一碟有十多件豆腐，整齊地擺放喺份量十足嘅水晶粉上。一口一件嫩滑豆腐，伴以蔥花肉末同軟滑嘅水晶粉，可充當主菜。雖然係一道簡單、唔花效嘅菜式，但我哋仍覺得非常滿足。
[價錢 Price]
💰$99
紅豆椰露芋圓水果餃子冷火鍋 🍨
我哋最後點選一份冷火鍋作今晚晚餐嘅收尾，因為佢哪造型實在太過特別、太過吸睛，上菜時身旁嘅食客們都睇到目不轉睛。金光閃閃嘅爐具同器皿本來已十分搶眼，再加上火鍋爐不斷有乾冰效果飄出白煙，畫面仙氣滿滿之餘，同真正嘅熱火鍋亦有幾分相似。
鍋內接近一半空間本已置有椰露，金壼內同樣注滿椰露，店員等我打完卡，再將壼內嘅椰露慢慢倒入鍋中，之後再加入兩碗配料，整套處理手法同一般火鍋無太大分別。望住啲煙，見到個鍋，我居然有一下忘記咗佢係凍嘅甜品，所以入口時傻傻地吹咗一下，可見佢嘅像真度有幾高！
椰露同紅豆果然係絕配，每一啖都食到椰露嘅奶香同紅豆嘅綿密，味道有少少似喳喳。至於配料方面，有爆爆珠、水果餃子、小芋圓等，口感豐富，味道多變，整體清涼甜蜜，最適合喺夏天食用。
Post
