炎天丼 (Closed)

這晚行山過後在大埔落小巴，終於一試炎天丼🔥店鋪細細，主要售賣炸物天婦羅為主既丼飯，炸物款式十來樣，不同既搭配就造出不同既set，所以價錢不太取巧，算平民👨🏽‍🍳海鮮丼飯套餐$68，有魷魚、蟹棒、大蝦、蓮藕片、茄子、菜心、溫泉蛋；再加一小碗芝麻醬沙律和面豉湯。愛更豐富的可以再追加，逐件計，但其實原本有的已經擺到滿滿。🍚🥚🍆🍤🌱🦑🦀天婦羅既炸粉很薄，而且鬆化，內裡既蔬菜海鮮都保持到脆口，茄子仍然軟身，不過海鮮份量不算大。丼飯略微有點乾身，不吃飲料喉嚨可能會過乾😂流心蛋既流心情度不如想像中澎湃，但有蛋黃濕潤下飯身仍不錯。這是朋友的海膽丼，蔬菜配料大同小異，只是海鮮換來了海膽，Size不算大，但外脆內軟口感是特別的。同場叫了兩樽仔果汁（店內飲品只有這些果汁供應，太專一了，還有青提子和葡萄味），$25/bottle。對果汁有要求既我好怕飲到造假口味既，雖說是100%，但左邊既橙汁有點過於濃縮甜得滯，相反右邊既蜜桃汁清新，果甜適中，易入口好多。 總括而言，平民價錢，但食得飽足，飲品和丼飯菜單花款太少，試一次都夠了。