牛涮鍋 (Closed)

呢幾日天氣急速下降，日日凍得騰騰震，午餐決定去打邊爐，暖暖個胃。由於冇得電話預約，所以聽天由命，12點啱啱開始營業，d員工仲執緊野。係門口等左15分鐘左右。午市有2種，一種60分鐘冇得refill肉。另一種90分鐘任食(雞牛豬肉)我地揀90分鐘果種因為我地黎食肉補身既~叫左兩個鍋，一個辣另一個鴛鴦湯底。Refill速度有d慢，建議落哂d肉就即刻refill啦豬肉同牛肉都切得好薄，牛肉就OK啦，有dd過肥，而且有d"鞋" 但好有肉感雞肉同豬肉比牛肉好食，雞肉就滑d，豬肉冇咁油膩同有口感d。火鍋配料有菜：菠菜，生菜，油麥菜，娃娃菜，滑豆腐(推介 好滑又唔易散) 蕃茄(推介 新鮮好甜，生食一流)瓜果類：翠玉瓜，紅蘿蔔，白蘿蔔，洋蔥，大蔥，粟米丸類:魚丸，龍蝦丸，芝士丸(推介，好流心芝士，不過小心熱)等其他:芋絲，年糕，日本餃子，脆皮腸。殿粉類:烏冬，拉麵，炒飯飲品有橙汁，蘋果汁，提子汁同汽水(無限refill)臨走記得食埋杯雪糕~有得自己配料，個人推薦曲奇。