牛涮鍋 (Closed)

和家人到葵芳新都會廣場 食牛涮鍋 火鍋放題 ，我們等了 兩個 小時才有位， 本來 未肚餓的我，都等到肚子都餓了 。我們選了168 set 套餐， 和牛 都算沒有令我們失望 ，和牛肉質仍然保持水準 ，豚肉， 雞肉 都很 新鮮 。還有 粟米 ，餃子 ，芋頭， 芝士丸， 芝士腸， 冬菇 ，豆腐 ，生菜和油麥菜 作為火鍋 配料 的選擇， 最後還有牛奶 雪糕 食 非常 滿足。

終於等到今個月出糧喇, 今晚一收工就同同事去新都會既牛涮鍋食餐火鍋放題。幸好我有預先Book位, 7點去到, 店內已經坐滿食客, 門外仲有唔少人等位。呢度有唔同既價錢對應唔同既肉類款式任食, 而我地就揀左 "美國特上牛小排放題" 每位HK$258既餐, 再免費轉左呢度新推出既"花見湯"湯底tim...入座起計90分鐘內任飲任食, 丸類、蔬菜類、烏冬、混醬都係自助形式, 食物都re-fill得幾快, 而且排列得整潔。至於飲品同雪糕就係另一面自己斟, 除左汽水機外, 隔離仲有一部果汁機, 上面說明教食客點去溝果汁梳打~湯底好快就送上檯, 面層有好多細細隻既蝦仔、蔬菜同埋金華火腿, 先飲一啖, 湯底味道其實有點似飲雞湯, 但鹹味比雞湯為輕, 反而突顯出清甜味道...本身擔心細細隻蝦會好似蝦米咁, 係煮唔透既情況下會有硬殼出現, 但食落其實又冇咩口感, 可以話食左都唔知~很快地, 肉類已經一併上檯, 侍應會將我地所揀既套餐肉類係第一round時整整地送上, 令我地可以食齊咁多款既肉, 如果中意邊款, 可以再encorn!本身自己係"牛魔王", 很少係打邊爐時食豬肉, 既然都上檯了, 所以就試一

同朋友去行行佢話想打邊爐，就食牛涮鍋，佢個叫野模式電子化咗，個人覺得十分無謂。一開頭叫佢加肉，佢話下次禁個部機就得。佢事前又冇介紹過。咁之後計ful湯都禁機，但佢哋又周不時走黎問你要唔要加肉。有2次佢跟啲豬上埋雞，我哋都唔鐘意食！所以覺得呢部機好無聊！佢既雪糕都變咗唔係乳酪，令到食完邊爐都冇咩胃口再食雪糕，同埋佢既糖漿for 淋係係雪糕到既都冇了！

每次行葵芳新都會，都總會見到牛涮鍋大排長龍。我認識該店老闆，我識，我真係識，不是我認識他，但他不認識我的那種，而是真的與他的餐廳傾過合作，我以一個年輕人的身份，膽粗粗與他談合作，竟然會真的收到回覆，雖然最後生意傾不成，但他那種樂於幫助人的心態已經很值得支持(為此，一個LIKE)，所以，你話我義犬報恩也好，或者義肢報恩都好，我們逕自走了入去牛涮鍋。我們即場點了美國進口牛肉放題($158)，話就話放題，吃過牛肉放題的 都知道，每人叫2碟已是極限，正所謂:佢搞得放題，預左你食濟。這個套餐還包括了豚雞，所以來了一碟純情牛牛及一碟豚雞，好PURE好TRUE的純情牛牛經過自動刮牛刀的削薄之後，每一片的厚度幾乎一樣，脂肪分佈平勻，容易入口，而且咬口不韌。對於貪多的我們，自然選擇了鴛鴦湯底：辛辣泡菜湯及番茄濃湯，一種選擇，兩種口味，不同的配料配搭不同的湯底，吃出不同的味道。來吃火鍋，自己十下十下，火鍋配料講求的最緊要新鮮，多款選擇，已足夠達到稱為一間火鍋的標準，古乳有暈：火鍋夠新鮮，食到人都癲，其它都不太重要。可能由於地方所限，這間牛涮鍋的自助配料不夠多(不是不夠，只是不夠多)，一眼可以睇晒，但是，每

今日又到出街覓食日子，因為新都會大裝修，我又未諗到食咩好就決定同老公黎食好耐冇食嘅牛涮鍋。可能係因為星期五啦，大約730黎到都等左大約45分鐘位。揀左168一位嘅set，唔知係我太耐冇黎食定點，佢加左十蚊價，同埋唔知咪係因為巴西凍肉事件佢地冇哂雞肉供應。湯底我揀左豬骨同新出嘅濃蝦湯底。豬骨嘅味道有d似出前一丁嘅豬骨湯味，但就淡少少。濃蝦味就完全唔覺有蝦味，仲有3粒面粉做嘅花。肉都不錯，肥瘦適中，大約12片左右一碟。每次要肉都大約5分鐘左右會送到，90分鐘入面我地大約食左每樣2碟左右。配料就比起其他分店少，丸類有；咖哩魚丸，芝士魚餅，芋頭丸，魚板。另外有芝士腸，魔芋，芋絲，菜有娃娃菜，油麥菜，蘿蔔。菇類有冬菇同金菇，另有烏冬同拉麵。芋頭丸十分驚喜，中間包住一條芋頭，甜甜地。甜品嘅雪糕，其他分店有埋frozen yogurt,但呢間得牛奶雪糕，topping 有：cheerio ,kit Kat 碎，朱古力彩針，糯米滋，同提子乾。除左雪糕仲有檸檬蛋糕同雲呢拿puff 。90分鐘其實好快就過，所以其實要食得快先抵，哈哈。不過呢間嘅牛就算叫最平嘅set都唔會太差。

四人點了90分鐘放題，澳洲和牛，蕃茄湯底。和牛：正保持水準自取食物：終於出現番「餃子」喇這裡的餃子內有香芹，正爆菜：又靚又新鮮，絕不欺場侍應：服務態度和藹，雖然多客人，但也很勤快。整體感覺良心

昨晚再去呢度食晚餐，感覺仍然不錯。食物質素維持不變，侍應的服務態度亦良好。可惜，現場環境的清潔衛生情況似乎差了坐椅上滿是水/油績，雖然侍應用紙巾抹了，但感覺始終

這裡環境ok，唔迫，整體都乾淨。每次都食得好自在，尤其「餃子」，好吃到不得了可惜最近「餃子」失蹤了，雖然其他食物也不錯，可惜沒有了餃子，感覺好像欠了甚麼湯底ok，如果提供蓋子會更好。

叫左HK$178 呢種嘅牛肉放題，但碟肉黎到同食開果種完全唔同！所以就叫左一碟 $158 嘅牛（ 進口牛肉）& $178（上級進口牛肉）嘅牛比較，除左在場所謂經理分得清之外！連佢客戶服務部都分唔到！投訴牛肉品質問題，佢公司回覆：$158 同$178個價嘅牛肉分別唔會好多大，所以單頻肉眼你分別唔到，所以勸大家冇需多付$20！

牛刷鍋嘅日本放題火鍋，雖然食物嘅種類唔算多，但係最高等級嘅日本和牛水準確係非常高，睇落同你係City Super啊百幾蚊100 g嗰啲和牛差唔多。今次食咗最高等級嘅日本和牛火鍋，牛肉入口即溶，只係略嫌有啲太肥，其他嘢食仲有豚肉都不錯，另外仲有拉麵少量嘅丸同埋蔬菜等等。埋單連加一四百幾蚊一位，可以食到咁靚嘅和牛，都真係值得一去再去。A5雪花和牛入口即溶非常軟滑，牛肉味香，真係一次過食五六碟都唔夠壽喜燒湯底味道濃好味，拉麵非常出色，係其他配菜相對少啲，嘢飲任飲，仲有雪糕自助。

一家人吃個飯，可以大吃一頓，哈，好久沒有來，book了位置，都算快就有位了，太好。 我地叫了178那個有豬有牛有雞既餐。 湯底可以兩溝，叫了，豬骨同蕃茄湯底，不錯，夠濃味，色水好深。 牛還不錯，容易入口，雖然比較薄，但還帶有肥牛既味道，咬口不韌。豬肉對比下，真的較難入口，肉很鞋，吃了一碟就沒有再叫了。 雞不錯，不是冰鮮雞，還很嫩滑，其他配菜都不過不失，不過比之前少了，丸類還不錯，菜也新鮮。 自製黑牛，正，爽，可樂加雪糕絕配，冰涼晒。 牛奶雪糕不錯，媽咪話幾好味，好有奶味，仲可以自己任加配料

忽然很想吃火鍋，但沒人陪要一個人走進火鍋店又需要勇氣，拖延到今天我終於嘗試有生以來的一個人自助火鍋。店提供任食90分鐘和半自助60分鐘，分別為98起和68起。我一向不好肉類，點到即至便可，便要了最便宜的68蚊的60分鐘半自助餐包兩款肉類(可從豬牛雞裡挑)，我挑選了牛和雞，湯底有很多款，可選鴛鴦，但我只選了豬骨。肉裡有四片超薄牛肉和四塊雞肉連皮，嗯，份量實在很小，如喜歡吃可加15蚊增量基本上都沒期待水準有多高，牛肉尚可，但雞肉皮多過肉，但肉質尚算嫰滑是日可任食的有四款丸，帶子丸，咖喱丸、紫芋丸和蟹肉丸，個人覺得帶子丸和咖喱丸最好味，紫芋丸則很難吃，蟹肉丸味道和帶子丸一樣。其他還有基本的豆腐、肉餃、芝士腸、各款蔬菜，比較有印象是粟米超甜，生菜很新鮮。另有提供自助餐飲，都是些汽水果汁，甜品則有軟雪糕，但略嫌過甜，味甜偏假……至於服務呢，雖然我是一位，接待都好有禮貌，但最不幸是當我吃了十五分鐘，走出去添食物，回去竟然被人收起鍋和所有食物，我當場呆滯，心想"唔好咁對我，一個人食自助火鍋唔係罪嚟架TT" P.S. 最慘係隔離枱有個男仔都係一個人打，仲要早我入去，但都冇收佢張枱啲野……幸好我同侍應說

只須$138加一便可以食到上級肥牛真係好抵。肥牛的脂肪分佈平均，不會太肥，很好。其他自助配料的選擇不算很多，但勝在夠新鮮和會經常添加蔬菜。其中推介的有番茄湯底，番茄味十分濃郁，配上彈牙的拉麵，兩者是絕配，非常值得推介。另一欣賞之處，是配雪糕的日本小麻糬，口感煙靭，甜度適中，為雪糕增添不少口感。

天生不吃牛的我，偶然也會去牛涮鍋涮一餐，其實並不是沒好處，至少不用煩惱挑選那個品質的牛肉。這天在附近行街shopping 至差不多消夜時間，便與另外一位也不吃牛的朋友吃一個最低價錢的牛涮鍋放題，其實牛以外的食物選擇亦很多種類，頗經濟實惠。吃火鍋最重要當然是湯底，先點了番茄湯底，然後於自助食品區取大量新鮮蕃茄和京蔥為湯底加工，加工後的湯底酸酸甜甜十分醒胃。 曾經吃過其他同類放題，通常也只會是第一碟肉才最吸睛的，但今次點了三次豚肉，每次肥瘦分佈也相若，薄切得來卻富彈性有咬口。 自助食物區選擇亦頗多，除了一般丸類及瓜菜類，也有餃子丶麵類、豆腐丶芋絲丶菇類等等......，個人喜愛以日式豆腐卜及節瓜去吸取湯底的精華。 另外此咖喱爆漲魚蛋與湯底味道亦出奇地夾。 以這個價錢可以吃到此質素的豐富涮鍋其實算是抵食，唯獨只有一個半小時的限制確實有點兒趕急。 本來想吃乳酪雪糕但又好像沒有足夠的時間，最後將雪糕混合可樂自製了一杯黑牛，可以邊吃邊喝省略時間。

下午茶時段都有提供火鍋~ $108 食 90 mins~ 未試過甘早就打邊爐😂 要左蕃茄湯底同骨膠原湯底~ 兩款湯底都好淡無咩味~ 第一碟牛牛都幾靚仔喎😋色澤鮮紅又夠嫩~ 但再黎第二碟就無甘靚😑 我地仲加左個海鮮併盤~ 蠔同蝦都幾新鮮👍🏻蠔好鮮甜juicy~ 帶子仲幾大隻添~ 哇~ 芝麻醬好好味~ 配料都幾多選擇~ 推介芝士魚丸~ 夠彈牙又有芝士香~ 自制yogurt 一定要食架🍦😋 仲有多款配料~ 但 yogurt 味道就只有一款~