魚眾不同酸菜魚 (冠美樓)

Open Now

Now Closed

• • 魚眾不同酸菜魚（灣仔）• •今日同閨蜜🍯過開港島，最近天寒地凍，上次食過呢間已經幾想推薦畀酷愛酸菜魚嘅🐢🍯決定要齊齊令氣溫急升返🔥＜青花椒酸菜湯，鱸魚片🌶️🌶️ ($70)>今次識嗌，一定揀呢款湯底，係膽😎 配菜揀左豆腐皮同娃娃菜，配手打薯粉（+$20）青花椒湯一貫嘅麻香撲鼻😻 麻得過癮🌶️ 不過都要小心咪咬到粒粒嘅青花椒同辣椒🔥 可見湯底嘅足料程度。喵怕多骨，哥哥推介冬天可試鱸魚，冇介紹錯，滑而富有魚嘅鮮甜，🐢🍯都大讚！娃娃菜索晒汁，塊塊過癮🤪 豆腐皮份量不少唔講仲以為係有一箸闊麵🍜 食到暖粒粒。喵今次挑戰成功，真係清左成碗。唔太食得辣，但又心思思想尋求小刺激嘅朋友真係都可以一試✨ < 花膠濃湯雞煲($80) >你睇下塊花膠先啦👀 雞塊大大件，啖啖肉💛 湯底的確濃郁，唔見底你就知咩事，一啖米線一啖湯，暖在心頭。建議唔好食太慢/ 可以索性成碗麵落晒湯，因為麵本身偏硬，要趁湯熱浸淋返啲。濃湯偏咸，🐢🍯prefer 淡返幾度。