天樂烘焙 (Closed)

煙肉薯蓉 $13粟米蘑菇薯蓉 $13粟米火腿薯蓉 $13蟹柳薯蓉 $13之前係網上面咁啱見到有關介紹呢間薯蓉既報導，就一直好想試下。天樂烘焙位於銅鑼灣既橫街窄巷之間，唯一美中不足就係太難搵到間舖，行左好耐先至搵到，不過為左好野食幾難搵都要搵。不負所望終於搵到間舖，招牌薯蓉當然放左係當眼處，薯蓉仲用一個暖櫃暖住佢，確保薯蓉出售既時候仲帶有暖暖的感覺。一次過買曬四款口味，原價13蚊一個，六點後買竟然特價到39蚊四個。雖然每個薯蓉望落大細大過包紙巾少少，其實食落係非常飽肚，兩個人食四個係非常勉強。先講一講薯蓉底，薯蓉底真心而論係真係好滑，薯蓉滑到你會覺得自己好似食緊雪糕咁，入口即溶。帶有少少䶢味，質感濕潤，算係高質既薯蓉。煙肉薯蓉成個面都係煙肉，配上芝士，連埋薯蓉食簡直係完美配搭，算係四款入面最高評價既一款。至於粟米蘑菇薯蓉，所採用蘑菇可能係罐頭蘑菇，經過烤烘之後變得又硬又乾，但整體味道配搭蘑菇配沙拉醬都算唔錯。粟米火腿薯蓉既材料配搭係小朋友最中意既，料一樣好足食落啖啖肉，略嫌沙拉醬份量太多，食落有啲太酸，不過都ok既。最後就係蟹柳薯蓉，薯蓉面全部都係一絲絲蟹柳，配埋濃味既千島醬，味道十分開