東京築地拉麵 (Closed)

行開旺角經過見到大大個天氣先生企左係度，見咁搞笑就入去睇下有咩搞先入到去見到周圍都有天氣先生既痕跡，仲推出左一系列既天氣飲品，一班朋友每人試一杯飲哂佢，仲拎埋間野d牌黎玩同影相哈哈草莓假日($35)草莓梳打加一個草莓冰球，令到溶左都唔會變淡，仲有草莓果肉同草莓Jelly，飲落去濃濃既士多啤梨味，成杯士多啤梨紅到成個太陽咁！好夏日呀！白日夢露($35)椰子沙冰再加椰果果凍，上面有滿滿既棉花糖，椰汁味夠濃，雪白既雲！芒果閃電($35)芒果汁加果凍，上面有芒果冰球，為左營造閃電特登加入爆炸糖，飲一啖已經聽到好嘈咁「劈哩啪啦」，呢杯係咁多杯入面最好飲！幸運彩虹($35)有雙色冰球：青蘋果同芒果，上面有雪糕，底有芒果果凍，夠colourful而且杯野唔會太甜，健康類汽水哈哈！除左飲野當然有嗌d小食食啦黃金焗帆立貝皇($43/隻)真心勁大隻！仲要有勁多芝士，拉到勁高，帆立貝細心地切左粒，夠哂鮮甜。