羅粉世家 (Closed)

羅粉世家今次要介紹長沙灣一間內地老字號「羅粉世家」，將江西美食以「堅持正宗」帶比大家，呢間餐廳主打江西米粉同瓦罐湯，氣溫驟降飲返d熱湯就最啱啦！呢間餐廳門口係有一級，又要出動我塊斜板嘅時候，輪椅人士埋枱時要小心自己嘅「菠蘿蓋」，佢哋嘅枱比較厚，因為枱底有櫃通，櫃通入面放咗餐具同紙巾，所以好易撞親自己嘅「菠蘿蓋」，入面位同位之間唔算好逼，只要有塊斜板嘅話，輪椅人士入去食野唔係問題！1.秘製雜醬拌粉+黑蒜肉餅瓦罐湯$60（9/10）呢個拌粉份量都多，米粉爽滑，秘製雜醬辣辣地，仲有其他配料包括有肉碎、炸花生、萵荀絲、菜脯等！黑蒜肉餅瓦罐湯：湯夠熱，黑蒜味唔算重，仲有一舊肉餅同半舊黑蒜！2.香辣藕片$16（10/10）呢碟蓮藕片好爽口，切得好薄，夠辣，一共大約30片！3.香炸蝦餅$26（10/10）炸得好香脆，每舊都有手掌咁大，一共有3舊炸蝦餅！4.藤椒雞翅尖$26（10/10）炸過嘅藤椒雞翼尖都係第一次食，脆身得嚟唔會好辣，一共有十隻！5.熱咖啡$8（6/10）咖啡唔香濃，好一般！6.熱奶茶$8（6/10）茶味多咗少少，上枱時得3分2杯！2人總共價錢$144個人口味總評分：8.5/10地址：