金功夫點心火鍋 (Closed)

心思思想打邊爐好耐，終於趁今日天氣少少轉涼，相約左幾個同事試一試呢間新開既"金功夫"。訂左6點半，由於時間尚早，所以人唔算多，一去到就帶我地去留左既"貴賓位"。一坐低，第一時間梗係揀湯底，同事話個醉雞湯底唔算太出色，所以我地揀個個名勁啲既～～"瑤柱白玉滑雞鍋"，一上鍋，個賣相係幾吸引。用雕邊既冬瓜包住滑雞，加上清清地既雞湯，正！之後點左個安格斯雪花牛，上碟又係有心機咁砌做花花樣，好有台灣"寛巷子"FEEL....精品火鍋。加上自家製既手打蝦滑，墨魚滑，又係另一推介。不過響鈴就唔算好食，有啲硬得滯。大部份既食材質素都叫中上，值回票價。