Video
Read full review
2022-06-29
186 views
以前响將軍澳嗰度返工， 今日送咗阿仔返學就去寶林嗰邊行下， 行到去寶琳市場， 入到去就發現1861小店，就決定試下☺️餐廳內有小櫈可供客人坐響度使用，見burger好吸引就坐响度落order，老闆好好甘推介我用app落訂，有9折，而新用户仲有幾張20 元cuopon，手機落單真係好方便餐廳勁大張menu 而且又有好豐富嘅相，每個burger 都好想試，但就得我自己一個😅等緊老闆整既時候，其實好寫意， 老闆播住啲廣東歌， 其實有咗阿仔之後，真係好難可以有一個時間聽歌同埋自己去抖下🤧前菜： 辣汁煙三文魚 68元夏天食呢一個嘅辣汁煙三文魚個配搭好清新， 辣得呢係酸酸甜甜嘅辣， 初時我以為一條條嗰啲係魷魚，原來係洋蔥，洋蔥有好爽口，而且份量好够，一個人食實在太多🤣主菜：皇帝漢堡餐128至尊鵝肝手打牛肉漢堡， 氣炸薯條，飲品老闆勁細心，比定手套😁氣炸薯條：唔油膩，脆同香口，用氣炸會好過用油，食到最尾仲係脆，蕃薯同薯仔一齊食，其實好健康，唔會甘肥，有蕃薯條頂住，無甘濟😅至尊鵝肝手打牛肉漢堡：一見到個burger 好開心，漢堡包皮係粉紅色💖勁少女心😍🥰 老闆話嘅粉紅色，全部都係食用色素係健康嘅。而且個
餐廳內有小櫈可供客人坐響度使用，見burger好吸引就坐响度落order，老闆好好甘推介我用app落訂，有9折，而新用户仲有幾張20 元cuopon，手機落單真係好方便
餐廳勁大張menu 而且又有好豐富嘅相，每個burger 都好想試，但就得我自己一個😅
等緊老闆整既時候，其實好寫意， 老闆播住啲廣東歌， 其實有咗阿仔之後，真係好難可以有一個時間聽歌同埋自己去抖下🤧
前菜： 辣汁煙三文魚 68元
夏天食呢一個嘅辣汁煙三文魚個配搭好清新， 辣得呢係酸酸甜甜嘅辣， 初時我以為一條條嗰啲係魷魚，原來係洋蔥，洋蔥有好爽口，而且份量好够，一個人食實在太多🤣
主菜：皇帝漢堡餐128
至尊鵝肝手打牛肉漢堡， 氣炸薯條，飲品
老闆勁細心，比定手套😁
氣炸薯條：唔油膩，脆同香口，用氣炸會好過用油，食到最尾仲係脆，蕃薯同薯仔一齊食，其實好健康，唔會甘肥，有蕃薯條頂住，無甘濟😅
至尊鵝肝手打牛肉漢堡：一見到個burger 好開心，漢堡包皮係粉紅色💖勁少女心😍🥰 老闆話嘅粉紅色，全部都係食用色素係健康嘅。
而且個包係老闆自己親自整 ，唔怪之得我咬落去個麵包皮，一食就知係烘過既，麵包上既芝麻應該係炒過，食到好香口。
鵝肝味勁香，留响口既味好濃，而且入口即溶，個牛肉都應係親手打，有咬口煎得勁juicy
生菜蕃茄fresh爽甜
個包有一隻手掌甘厚，鵝肝，牛肉都好厚
個蕃茄醬都應該係自已整，個汁好濃茄味，而且有落到香草
burger 性價比勁高，老闆用心製作，健康之選👍
Post
