天草漁場 (Closed)

基本上成日都想食日本野，唔知我有冇機會食晒香港嘅日本餐廳呢😂黎到銅鑼灣今次試吓天草漁場。可以坐係吧枱旁邊睇住師傅新鮮切魚生，整壽司，享受呀！首先黎既係鰹魚藁燒，外層用藁草燒香，但有陣陣煙熏味。豚平卷，一碟有四件其實係一件蛋卷入邊捲着豬肉，豬肉煎得好香，同沙律醬同燒汁一齊食，好夾好惹味一大羅櫻花蝦，咬下咬下就食哂成羅之後食左天草緋扇貝，帶子大粒又彈牙又多汁仲有呢個好得意嘅明太子山芋鍋仔燒真係用一個鍋仔載着鍋仔燒咬落煙韌，加埋明太子鹹鹹地咁鍾意食海膽嘅我，見到呢個海膽燒飯團，好 開心啊大大嚿海膽， 放喺燒咗嘅飯上面，簡簡單單用紫菜包住嚟食。甜品仲有益力多味雪糕添！酸酸地， 好味道啊為呢餐畫上句號。