阿詩瑪

Open Now

Now Closed

朋友住太古城，帶我去咗佢屋企附近嘅阿詩瑪雲南菜餐廳度食。呢排食得多大魚大肉，今餐想食清淡少少。山珍氣鍋雞（$168）：用香菇同雞一齊煮過之後，再放入氣鍋入邊蒸燉。成品濃郁，呈奶白色嘅雞湯，滋補又好味。冰鎮黃金耳（$78）：第一次食黃金耳。職員話主要係食佢嘅質感。其實佢係一種菇菌類。咬落彈牙。配搭芥辣同醬油一齊食，幾清新。辣味涼拌海蜇（$68）：估唔到都幾大碟。最鍾意食到呢種粗身嘅海蜇，口感清爽彈牙。配搭辣味嘅調味，非常惹味。金牌小鍋米線（$68）：佢哋嘅酸菜係自己整嘅。湯底酸酸辣辣咁好開胃。呢度環境舒適，職員熱情有禮，食物質素高質，下次可以再嚟。