丸丸 洋食居酒屋

Open Now

Now Closed

朋友住太古介紹有間居酒屋好正，見到OpenRice訂枱仲有甜品送！吉列系幾多選擇，叫左吉列豬扒定食，豬扒厚身，外層香脆，炸漿唔會太厚，肉質半肥瘦好juicy，點埋醬汁仲好食！椰菜絲爽脆配埋醬汁好食。天氣凍凍地，食番個廣島蠔豚肉泡菜鍋，個鍋原來好多配料，有蠔、豚肉、泡菜、豆腐、大蔥、椰菜等......辣辣地越食越開胃，食到差唔多最後，加埋碗白飯同芝士，日韓式風味串燒拼盤有牛舌、雞翼、雞皮、雞肉棒、豬腩肉。每樣調味適中，趁熱食，外皮燒得夠香脆！因為Openrice訂枱，食到最後仲送甜品- 自家製西京味噌焦糖布甸。上邊有西京味噌同燒香嘅焦糖，食落甜甜地鹹鹹地又幾好食，下層有少少似雪糕質地，滿足嘅一餐！