阿叔泰麵 (金殿臺漢宮閣)

Open Now

Now Closed

地方乾淨坐位正常，不過人多就會有啲迫。叫左新出嘅椰子海鮮湯金邊粉，招牌阿叔牛肉船麵(轉金邊粉)，同埋蝦餅。椰子海鮮湯金邊粉湯底椰子味道特別，好濃，料都多同埋新鮮，值得試。牛肉船麵係用牛腩，肉唔多好腍入味，入口即散。有幾粒肉丸。味道正常。佢哋嘅金邊粉唔係平時嗰隻，口感十分似薯粉，係好煙韌，不過佢超吸水，上菜4-5分鐘成碗湯俾啲粉吸晒變左撈麵，好彩職員會加番湯。另外蝦餅好似有啲overcook, 蝦肉唔彈牙，外皮炸到好似有層殼，好一般。