Video
Read full review
2023-01-13
112 views
今次介紹呢間喺太古嘅隱世日式餐廳——秋嵐比大家，未去到日本都可以望梅止渴先😆🌃 環境 (3.5/5)秋嵐位置介於太古同鰂魚涌中間～ 佢嘅位置比較隱蔽，係喺東匯坊嘅商場地庫，絕對稱得上隱世😆 商場隔離遲啲會開壽司郎，相信到時大家就易搵好多😚餐廳環境幾和風，好有日本地道小店嘅風味🇯🇵 餐廳唔算好大，平日夜晚人流唔算太多，靜靜地都坐得幾舒服☺️ 😋 食物 (4.5/5)🐮 U.S. 牛肉涮涮鍋 - 甜醬油湯底 $168🍱 秋嵐廚師發辦丼 $198👅 鹽燒牛舌 $58/串🐣 自家製免治雞肉軟骨棒 $58/2串🐽 燒味噌五花腩 $26/串🍣 火炙左口魚邊壽司 $24/件冬天最啱shabu shabu，今次就嗌咗個美國牛肉涮涮鍋🍲 我一向都好鍾意食Sukiyaki，今次湯底就揀咗招牌關西風甜醬油湯底😋 湯底甜甜地而且好夠味，啲食材就咁用湯底淥完就食得，醬汁都唔洗蘸😚 涮涮鍋除咗有美國肥牛之外，仲有唔同嘅蔬菜🥬 菇類🍄 豆腐同埋粉絲😋 全部食材都好新鮮，飽足感十足又唔會太油膩👍🏻 建議兩個人share一鍋，咁就可以有肚試其他菜式😛 秋嵐食物種類多元，除咗shabu shabu之外都有好多唔同嘅菜式可以
🌃 環境 (3.5/5)
秋嵐位置介於太古同鰂魚涌中間～ 佢嘅位置比較隱蔽，係喺東匯坊嘅商場地庫，絕對稱得上隱世😆 商場隔離遲啲會開壽司郎，相信到時大家就易搵好多😚
餐廳環境幾和風，好有日本地道小店嘅風味🇯🇵 餐廳唔算好大，平日夜晚人流唔算太多，靜靜地都坐得幾舒服☺️
😋 食物 (4.5/5)
🐮 U.S. 牛肉涮涮鍋 - 甜醬油湯底 $168
🍱 秋嵐廚師發辦丼 $198
👅 鹽燒牛舌 $58/串
🐣 自家製免治雞肉軟骨棒 $58/2串
🐽 燒味噌五花腩 $26/串
🍣 火炙左口魚邊壽司 $24/件
冬天最啱shabu shabu，今次就嗌咗個美國牛肉涮涮鍋🍲 我一向都好鍾意食Sukiyaki，今次湯底就揀咗招牌關西風甜醬油湯底😋 湯底甜甜地而且好夠味，啲食材就咁用湯底淥完就食得，醬汁都唔洗蘸😚
涮涮鍋除咗有美國肥牛之外，仲有唔同嘅蔬菜🥬 菇類🍄 豆腐同埋粉絲😋 全部食材都好新鮮，飽足感十足又唔會太油膩👍🏻 建議兩個人share一鍋，咁就可以有肚試其他菜式😛
秋嵐食物種類多元，除咗shabu shabu之外都有好多唔同嘅菜式可以試🤩 我哋嗌咗幾款串燒黎食🔥 牛舌大大舊夠厚身，燒得好香而且口感十足😋 雞軟骨棒係餐廳自己手打製造，幾有誠意😚 加埋日本蛋食真係好滿足，個人覺得如果軟骨再多啲就更正😆 燒味噌五花腩略嫌太鹹而且有啲硬，較其他幾款失色😶
睇menu個陣見到啲壽司同丼飯都好吸引，就緊要要嗌埋黎試吓啦🥰 秋嵐廚師發辦丼啱曬我呢啲有選擇困難症嘅人😍 丼飯超豐富，有海膽，三文魚，赤蝦，帶子and more😛 丼飯超足料，魚料又鮮味，真係十分滿足🥳💯 左口魚邊壽司就正常發揮啦，油香味幾甘香🍣
💰 價錢 (4/5)
Average price $300-350/pp
食曬壽司，丼飯，串燒同shabu shabu都係每人$300-350🤩 以港島區日本餐廳嘅價錢黎講真係算幾親民，值得更多人支持啊🥰
Post
