반찬앤쿡 Banchan and Cook (太古城中心)

Open Now

Now Closed

位於太古城內，自己揀位，然後就可以出去落單啦～有兩種免費水可以選擇，水加🍋青檸同🌿香草同埋水加🍓士多啤梨、火龍果、🍐梨、🍊橙～兩款都fresh, 可以隨意自助！🥘咖喱甘筍蛋包飯配漢堡扒本身飯已經mix 咗紅蘿蔔同洋蔥～咖喱汁香濃配上軟淋嘅薯仔～漢堡扒好厚身，入面仲加咗洋蒽，增加口感同時令佢更加香口！🐷巴馬火腿卡邦尼年糕巴馬火腿鹹香味十足，卡邦尼汁好creamy, mix 埋流心蛋黃使整體蛋香味更加特出～年糕煙靭，呈長條型，比較幼身，外型似pasta，幾特別！🐥炸雞拼盤最喜歡食韓式炸雞，外皮香脆，肉質嫩滑juicy！揀咗🍯蜜糖、🌶️甜辣和🧅洋蔥口味～最推介蜜糖，又香又甜✨ 炸雞拼盤入邊仲會有年糕同薯條，沾上蜜糖，同樣美味！🥕紅蘿蔔園Oreo慕絲蛋糕外型可愛，朱古力味特濃；最頂有Oreo 碎，入面係moose同朱古力海綿蛋糕，個杯都幾深，兩個人share食啱啱好！🍵凍濟州綠茶鮮奶問咗店員，唔會額外加糖，所以甜度適中✨抹茶味適中，唔會飲到粉粒，入口順滑！☕️凍泡沫咖啡咖啡味香濃，都唔會額外加糖，拍得住Cafe水準！