Video
Read full review
2023-10-02
1924 views
二訪呢間西餐廳 再次感覺到呢間餐廳幾咁高質☺️ 呢日係假期嘅六點嚟到 初初嚟到嘅時候餐廳仲未有好多客人 但係好快就坐滿啦😚蟹肉牛油果船呢個前菜相當豐富 除咗側邊有沙律菜之外 所有餡料都係用牛油果裝住🥑 入面嘅蟹肉用上沙律醬調味 非常飽滿 再加上面頭有黑白芝麻 同埋蟹籽🫢 伴碟嘅仲有藜麥同埋杏仁片 口感十足 軟殼蟹墨西哥夾餅有一大隻軟殼蟹喺面 相當有驚喜呀🌮 底下嘅墨西哥夾餅煎得香脆 面頭再配上芝麻醬 都幾有日式風味🤪 加上有蟹籽 同埋三文魚子 火箭菜 青瓜粒 紫菜碎等嘅配料 令到顏色都好豐富 軟殼蟹炸出嚟酥脆 絕對唔油膩🦀扇貝明太子意大利麵面頭有扇貝同埋魷魚🦑 配上呢個明太子意粉真係好夾 幾鍾意明太子同埋三文魚子撈勻個意粉一齊食 味道更上一層樓😝 意大利麵幾有咬口 唔會煮得過火🍝 釀海鮮南瓜批呢個係Peko Signature嘅其中一款菜式☺️ 係用一整個小南瓜焗製而成 焗完出嚟嘅南瓜軟腍而且甜美🎃 入面嘅海鮮有魷魚 大蝦 帶子 青口 海蜆 蟹柳 同埋面頭嘅三文魚子😙 每款海鮮都幾新鮮 我就最鍾意佢嘅大蝦 因為口感好彈牙🦐 喺海鮮嘅底下仲有非常Creamy嘅白汁薯蓉🥔 呢個係絕對飽肚 而且
二訪呢間西餐廳 再次感覺到呢間餐廳幾咁高質☺️ 呢日係假期嘅六點嚟到 初初嚟到嘅時候餐廳仲未有好多客人 但係好快就坐滿啦😚
蟹肉牛油果船
呢個前菜相當豐富 除咗側邊有沙律菜之外 所有餡料都係用牛油果裝住🥑 入面嘅蟹肉用上沙律醬調味 非常飽滿 再加上面頭有黑白芝麻 同埋蟹籽🫢 伴碟嘅仲有藜麥同埋杏仁片 口感十足
軟殼蟹墨西哥夾餅
有一大隻軟殼蟹喺面 相當有驚喜呀🌮 底下嘅墨西哥夾餅煎得香脆 面頭再配上芝麻醬 都幾有日式風味🤪 加上有蟹籽 同埋三文魚子 火箭菜 青瓜粒 紫菜碎等嘅配料 令到顏色都好豐富 軟殼蟹炸出嚟酥脆 絕對唔油膩🦀
扇貝明太子意大利麵
面頭有扇貝同埋魷魚🦑 配上呢個明太子意粉真係好夾 幾鍾意明太子同埋三文魚子撈勻個意粉一齊食 味道更上一層樓😝 意大利麵幾有咬口 唔會煮得過火🍝
釀海鮮南瓜批
呢個係Peko Signature嘅其中一款菜式☺️ 係用一整個小南瓜焗製而成 焗完出嚟嘅南瓜軟腍而且甜美🎃 入面嘅海鮮有魷魚 大蝦 帶子 青口 海蜆 蟹柳 同埋面頭嘅三文魚子😙 每款海鮮都幾新鮮 我就最鍾意佢嘅大蝦 因為口感好彈牙🦐 喺海鮮嘅底下仲有非常Creamy嘅白汁薯蓉🥔 呢個係絕對飽肚 而且非常值得推介嘅菜式👍🏻
飲品
Dirty 咖啡味道幾香☕️ Matcha Latte 賣相一流 面頭唔同顏色嘅配料 分別係士多啤梨乾 抹茶粉 同埋開心果碎🍵 撈埋一齊飲都幾特別 為呢杯飲品帶嚟咗少少嘅酸甜味🍓
走嘅時候見到外面有好多人等緊位🙈 如果想食嘅話建議都係訂座會穩陣啲 呢度嘅環境真係幾舒適 好適合family gathering👍🏻
Post
