Video
Read full review
2015-10-10
6905 views
食物選擇以熟食、小食同甜品為主，貴價自助餐常見嘅冷盤魚生甚少，生蠔等冷盤海鮮直情冇影，遷就小朋友口味?大朋友就可能有啲失望。最抵食可能係鱈魚，有出面百幾二百蚊一客質素，魚油味香濃。軟雪糕亦係必食，又香又滑，係出面幾十蚊杯貨色，可惜只此一款，自助餐梗係多款口味任砌開心啲，就算得雀巢又點話… 小熊維尼慕絲好睇又好食，甜度適中有果香又夠滑，可惜份量以自助餐嚟講偏大，食一份已經唔想食其他。可惜其他食物質素參差，最失望係燒八爪魚丸，十分乾硬，炸㗎? 薯條炸得一般，純粹氹細路? 即淥魚蛋河同點心大概只為遷就喜歡中式食物長者，食味十分一般。話時話，咁貴自助餐整一兩款迪士尼造型點心氹吓我都冇，要食一定要去中菜廳?五百幾蚊自助餐得三百幾蚊貨色，明嘅，其他費用係同迪士尼朋友影相嘛，呢樣真係落足料，幾個公仔輪流影相人人有份，絶對值回票價。不過影相密度甚高，之後仲要瘋狂沖晒出嚟遞俾你睇氹你買，十幾廿張眨咗眼唔望鏡頭照沖可也，頻繁程度近乎煩擾...嚟呢度，千祈唔好期待可以慢慢歎有好嘢食，都係當自己嚟玩好啲，好忙㗎...
最抵食可能係鱈魚，有出面百幾二百蚊一客質素，魚油味香濃。軟雪糕亦係必食，又香又滑，係出面幾十蚊杯貨色，可惜只此一款，自助餐梗係多款口味任砌開心啲，就算得雀巢又點話… 小熊維尼慕絲好睇又好食，甜度適中有果香又夠滑，可惜份量以自助餐嚟講偏大，食一份已經唔想食其他。
可惜其他食物質素參差，最失望係燒八爪魚丸，十分乾硬，炸㗎? 薯條炸得一般，純粹氹細路? 即淥魚蛋河同點心大概只為遷就喜歡中式食物長者，食味十分一般。話時話，咁貴自助餐整一兩款迪士尼造型點心氹吓我都冇，要食一定要去中菜廳?
五百幾蚊自助餐得三百幾蚊貨色，明嘅，其他費用係同迪士尼朋友影相嘛，呢樣真係落足料，幾個公仔輪流影相人人有份，絶對值回票價。不過影相密度甚高，之後仲要瘋狂沖晒出嚟遞俾你睇氹你買，十幾廿張眨咗眼唔望鏡頭照沖可也，頻繁程度近乎煩擾...
嚟呢度，千祈唔好期待可以慢慢歎有好嘢食，都係當自己嚟玩好啲，好忙㗎...
Post