Video
Read full review
2023-06-09
832 views
呢間秋香喺屯門區都幾隱世，通常屯門地膽先識，但食過既都強烈推薦佢，話超好食！平時都幾多人，想去就記住要BOOK定位先。首先佢個店名已經好有詩意,，入到去都有好懷舊既感覺，有好靚既酒吧，又有柔和燈光，侍應都有好好既招呼，細心講解餐牌。原來佢宜家做緊平日星期一至四 ladies night promotion, ladies會有一杯free cocktail, 今晚係洛神花Gin, 一坐低就有得飲，好開心🤩。我今晚叫左： 🔸️ 辣三文魚他他爆脆大混醬 ($128，8.8/10)呢個係佢既新菜式！脆脆十分之脆，再配埋三文魚同魚子醬加混醬，好有口感。其實佢個三文魚都唔辣既。 🔸️ 鹽燒白鱔煲仔飯 ($238，9.5/10)呢個超級推薦！佢地既煲仔飯係好出名。呢個鹽燒白鱔煲仔飯更加係每日限量，好彩今日食到！一上碟個樣就勁吸引！有5舊燒白鱔圍住一粒生蛋黃，佢煲仔飯好特別，唔係用瓦煲，係用鐵鑊仔，比較西式感覺。燒白鱔燒得超香，超級肥美，魚油味好香，咬落肉汁爆破，仲要炭燒味超香。讚！個飯mix 埋葱花同蛋黃汁同少少櫻花蝦，味道層次豐富，口感都好正！極力推介😊 🍸 洛神花cocktail (FREE😍，9/
🔸️ 辣三文魚他他爆脆大混醬 ($128，8.8/10)
呢個係佢既新菜式！脆脆十分之脆，再配埋三文魚同魚子醬加混醬，好有口感。其實佢個三文魚都唔辣既。
🔸️ 鹽燒白鱔煲仔飯 ($238，9.5/10)
呢個超級推薦！佢地既煲仔飯係好出名。呢個鹽燒白鱔煲仔飯更加係每日限量，好彩今日食到！一上碟個樣就勁吸引！有5舊燒白鱔圍住一粒生蛋黃，佢煲仔飯好特別，唔係用瓦煲，係用鐵鑊仔，比較西式感覺。燒白鱔燒得超香，超級肥美，魚油味好香，咬落肉汁爆破，仲要炭燒味超香。讚！個飯mix 埋葱花同蛋黃汁同少少櫻花蝦，味道層次豐富，口感都好正！極力推介😊
🍸 洛神花cocktail (FREE😍，9/10)
呢杯free cocktail 都好易入口，洛神花好fresh,飲完有少少微醺，令到個dining experience 更加enjoyable.
31 views
0 likes
0 comments
Post
