Video
25-min walk from Exit C3, Tuen Mun MTR Station
continue reading
Telephone
23626883
93267766
Introduction
The name of the restaurant was inspired by the movie, “Flirting Scholar”. It provides Chinese-Japanese fusion cuisine. The Japanese eel clay pot rice, Japanese oysters, and skewers are recommended.
continue reading
Opening Hours
Today
Closed
Mon
12:30 - 22:30
Tue
Closed
Wed - Sun
12:30 - 22:30
*星期二: 休息(假期日子照常營業）
Above information is for reference only. Please check details with the restaurant.
About Reward Scheme
最近留意到屯門有間以《唐伯虎點秋香》電影做主題嘅中日fusion居酒屋🏮，主打煲仔飯系列🍚，白鱔煲仔飯係呢度嘅人氣菜式🐟，咁特別梗係要去試吓啦😍！🍚白鱔煲仔飯白鱔做得出色，清洗乾淨無腥味。魚肉厚身好肥美，咬落去油香感十足。將蛋黃、蝦米同葱花撈勻一齊食，令味道好香口，加上白鱔嘅魚油滲入飯裏面，啖啖都有魚油香味。🐮澳洲和牛牛舌心 $68牛舌心係店員重點推介，每塊都大大件，肉味濃郁，中間位置軟嫩多汁。🎏廚師特選一夜干 $158一夜干兩邊烤到金黃色，都幾多肉食，肉質緊實嫩滑，味道淡味啲，旁邊有個日式豉油可以沾。🦪特色燒蠔2隻 $88搽上甜甜嘅秘制蛋黃醬係鮮甜蠔肉上面，輕輕用火槍炙燒過，上枱已經聞到香味。🍞蒜蓉牛油扇貝配酸種包 $136/兩隻扇貝肉質鮮甜，帶有蒜蓉牛油的濃郁香氣。🦀甲羅燒配酸種包 $68將蟹殼裏面嘅蛋黃同蟹肉、蟹膏撈勻後，每啖都係濃郁嘅蟹鮮味，搽係烘到外脆內軟嘅酸種包上面一齊食都幾夾。🧡明太子沙律 $48 ｜🦑黃金魷魚 $38明太子爽脆帶輕微辣味，魷魚有彈牙感帶微甜。🦐鹽燒虎蝦 $68/兩隻 ｜🍍菠蘿 $28 /兩件虎蝦燒到香口彈牙，菠蘿香甜中和膩感。🍹黎明來到 $48 | 🍹百香果菠蘿梳打 $38黎明來到味道似fruit punch，香橙味突出香甜，酸酸甜甜幾解膩。📍秋香 (康景花園) (屯門)屯門青善街38號康景花園地下26-27號舖
continue reading
一提起秋香，可能大家即刻就諗到唐伯虎😆，而我就會諗到位於屯門嘅秋香居酒屋 ，一間提供中日fusion菜嘅居酒屋🥰。海苔魷魚天婦羅 $68天婦羅外層薄薄的一層炸漿，炸得十分香脆😍。魷魚🦑質感緊緻彈牙，味道鹹香鮮味，加上海苔，更覺香口😋。串燒尤其牛舌，真係一定要試下😋。日本岩手雞皮 $28雞肝 $32牛肋骨 $48鹽燒虎蝦兩隻 $68澳洲和牛牛舌心 $68燒物表面焦香乾身，雞皮脆口濕潤兼備，油香味滿滿😍；雞肝肝味濃郁🥰；牛肋肉口感軟腍，肉味香😋；虎蝦🦐口感爽彈，蝦味鮮香；厚切牛舌心非常爽滑juicy，滲出陣陣油香🤤。威士忌燒蠔兩隻 $88蠔肉肥美，十分新鮮，口感爽滑多汁，蠔味濃厚，燒完🔥之後噴上威士忌🥃，所以充滿了酒香味，令食味倍增。白酒香草忌廉煮蜆配酸種包 $128絕對係必叫菜式😍，蜆肉飽滿🦪，十分新鮮。自家製嘅忌廉汁香滑味濃，煮得十分出色，係靈魂所在🤤。配搭鮮甜的蜆肉或香口的酸種牛油多士，一試難忘😍😍。🆕️原條鰻魚炒烏冬 $148鰻魚肉質軟滑緊緻，肉香味甜，份量勁大因為係原條😍；烏冬口感滑溜，炒得乾身香口，加埋洋蔥、蔥花、木魚及秘製醬汁，味道香甜，令人忍唔住一口接一口😋。雪梨桂花蜜熱 $48熱辣辣甜甜哋，有陣陣桂花香，清熱又潤喉🥰。秋香 $78混合綠茶、柚子、梅酒及日本清酒，味道香甜清新，非常易入口😋。🦆秋香 (康景花園)📍屯門 - 青善街38號康景花園地下26-27
continue reading
我買了openrice $676 2人餐～另外用了XMAS60 可再減-$60。地方可能有D難找～如果唔熟屯門。不過當你找到時，突然會有種驚喜。Lee 度竟然有一間裝飾唔錯好有心思小店。首先有湯，前菜及 oysters. 最驚喜D炸物好特別有雞皮餃子～一定要試下。及D墨魚咀好大粒～好耐無見過咁大粒又好食。另外～仲有其他驚喜～我原本抱著串燒期望不大一般般小小件。到上菜，我估唔到D牛粒又大又厚又好juicy. 其他五花豬肉及 魷魚及 秋葵釀肉～仲之好大件又好好味。之後，飽到連個煲仔飯都差D食唔落。所以真係驚訝食炸物及串燒，竟然可以食到飽。以一間小店環境氣氛服務食物質素都好～好有居酒屋feel。雖然地方唔近地鐵站～不過附近有泊車位，值得去一躺去感受一下小店居酒屋。特別串燒及炸物～好好味呀！
continue reading
琴晚涷涷地，梗係要食個煲仔飯暖笠笠，唔洗諗直接揸車去屯門秋香啦，叫左個二人餐真係飽到不得了.✅廚師推介二人餐.🔅是日餐湯🔅前菜—日式五色海藻.🔅秘制蛋黃醬燒蠔蠔真係燒到岩岩好熟度，蠔身滑口而且鮮味好出.🔅炸物拼盤：雞皮餃子下酒菜👍🏻雞皮炸到香口包住免治雞肉有邊個忍到口呀😂.海苔魷魚天婦羅份量超多，炸衣夠薄唔油唔糊口，魷魚新鮮彈牙，海苔有點睛作用.❤️🔥XO醬辣椒大蝦魷魚煲仔飯食得多白鱔煲仔飯，今次老闆娘叫我試下XO醬辣炒大蝦魷魚煲仔飯，蝦去左蝦殼更入味，同魷魚一樣好新鮮。整體味道辣辣地好惹味，一貫水準，最緊要亦係最正有飯焦👏🏻.
🔅串燒盛牛肋骨 + 日本黑豚肉 + 菠蘿 +秋葵釀蝦肉 +魷魚串最欣賞牛同豚肉串，叫左唔辣，但調味唔會太重手又juicy；秋葵釀蝦肉組合都好特別，對秋葵普通都好欣賞佢既味道.藍莓芝士蛋糕食得出係手工野，藍莓醬同糕身唔甜，而且芝士味岩岩好，為今晚晚完美作結.自家雪梨桂花蜜叫左一冷一熱，一定係自家煲製，因為味道好濃郁桂花花香，配埋清潤既雪梨+蜜糖，無偷工減料，秋冬季節飲真係滋潤養生
continue reading
臨近聖誕節，多咗好多餐廳出聖誕餐，今次跟朋友嚟到呢一間位於屯門嘅居酒屋🏮唔係住開屯門都未必識，食完整體味道唔錯，聖誕二人餐$798好夠食🔸是日餐湯熱辣辣飲返碗味噌湯，味噌湯調味唔錯岩岩好🔸前菜日式五色海藻，純天然五色海藻鹼性食品:有青鳳尾藻、赤鳳尾藻、海帶芽、羊栖菜、系寒天、海帶芽莖絲，卡路里低營養價值又高，配埋醬汁食好開胃脆脆辣三文魚他他，三文魚他他微辣好岩我鍾意食辣嘅人，配埋個餅乾係好香脆，又辣又脆食到停唔到口😂🔸蒜蓉辣椒燒蠔蠔真係燒到岩岩好熟度，蠔身滑口而且鮮味好出，蒜蓉同辣椒仲要好惹味🔸炸物拼盤雞皮餃子+海苔魷魚天婦羅+脆辣單骨雞翼雞皮餃子炸得好香脆，size大大嚿，脹卜卜，裏面係包住免治雞肉，咬落去啖啖肉；海苔魷魚天婦羅份量超多，炸粉夠薄，魷魚新鮮彈牙；脆辣單骨雞翼，就得，啱啱好夠脆口，肉質仲好嫩滑🔸白鱔煲仔飯主打煲仔飯‼️個人+$40會揀呢一款白鱔，白鱔嘅肉質好肥美，而且燒得好香，鍾意食白鱔嘅必揀，中間有一隻蛋黃，撈勻佢連埋蛋漿食飯底就一定唔會乾身，當然煲仔飯底仲有唔少飯焦啦，冬天食完暖笠笠真係啱晒
🔸串燒盛牛肋骨 + 日本黑豚肉 + 菠蘿 +秋葵釀蝦肉 +魷魚串+京葱雞幾款串燒都好啱食，自己特別鍾意秋葵釀蝦肉，秋葵燒到夠腍釀埋蝦肉食真係好夾，如果有得落辣，辣辣地就更加好🔸朱古力蛋糕甜品就係朱古力蛋糕，朱古力好香濃，蛋糕都好軟熟🔸另外叫飲品八折【黎明來到】就係Orange juice, lemon juice, grenadine syrup既結合，味道酸酸哋好開胃【香橙肉桂伯爵茶】想飲熱飲嘅可以揀呢款，香橙同肉桂味好出，伯爵茶係喺後面慢慢滲出嚟，飲完你會覺得好暖胃好舒服
continue reading