秋香 (康景花園)

Open Now

Now Closed

琴晚涷涷地，梗係要食個煲仔飯暖笠笠，唔洗諗直接揸車去屯門秋香啦，叫左個二人餐真係飽到不得了.✅廚師推介二人餐.🔅是日餐湯🔅前菜—日式五色海藻.🔅秘制蛋黃醬燒蠔蠔真係燒到岩岩好熟度，蠔身滑口而且鮮味好出.🔅炸物拼盤：雞皮餃子下酒菜👍🏻雞皮炸到香口包住免治雞肉有邊個忍到口呀😂.海苔魷魚天婦羅份量超多，炸衣夠薄唔油唔糊口，魷魚新鮮彈牙，海苔有點睛作用.❤️‍🔥XO醬辣椒大蝦魷魚煲仔飯食得多白鱔煲仔飯，今次老闆娘叫我試下XO醬辣炒大蝦魷魚煲仔飯，蝦去左蝦殼更入味，同魷魚一樣好新鮮。整體味道辣辣地好惹味，一貫水準，最緊要亦係最正有飯焦👏🏻.
🔅串燒盛牛肋骨 + 日本黑豚肉 + 菠蘿 +秋葵釀蝦肉 +魷魚串最欣賞牛同豚肉串，叫左唔辣，但調味唔會太重手又juicy；秋葵釀蝦肉組合都好特別，對秋葵普通都好欣賞佢既味道.藍莓芝士蛋糕食得出係手工野，藍莓醬同糕身唔甜，而且芝士味岩岩好，為今晚晚完美作結.自家雪梨桂花蜜叫左一冷一熱，一定係自家煲製，因為味道好濃郁桂花花香，配埋清潤既雪梨+蜜糖，無偷工減料，秋冬季節飲真係滋潤養生

最近留意到屯門有間以《唐伯虎點秋香》電影做主題嘅中日fusion居酒屋🏮，主打煲仔飯系列🍚，白鱔煲仔飯係呢度嘅人氣菜式🐟，咁特別梗係要去試吓啦😍！🍚白鱔煲仔飯白鱔做得出色，清洗乾淨無腥味。魚肉厚身好肥美，咬落去油香感十足。將蛋黃、蝦米同葱花撈勻一齊食，令味道好香口，加上白鱔嘅魚油滲入飯裏面，啖啖都有魚油香味。🐮澳洲和牛牛舌心 $68牛舌心係店員重點推介，每塊都大大件，肉味濃郁，中間位置軟嫩多汁。🎏廚師特選一夜干 $158一夜干兩邊烤到金黃色，都幾多肉食，肉質緊實嫩滑，味道淡味啲，旁邊有個日式豉油可以沾。🦪特色燒蠔2隻 $88搽上甜甜嘅秘制蛋黃醬係鮮甜蠔肉上面，輕輕用火槍炙燒過，上枱已經聞到香味。🍞蒜蓉牛油扇貝配酸種包 $136/兩隻扇貝肉質鮮甜，帶有蒜蓉牛油的濃郁香氣。🦀甲羅燒配酸種包 $68將蟹殼裏面嘅蛋黃同蟹肉、蟹膏撈勻後，每啖都係濃郁嘅蟹鮮味，搽係烘到外脆內軟嘅酸種包上面一齊食都幾夾。🧡明太子沙律 $48 ｜🦑黃金魷魚 $38明太子爽脆帶輕微辣味，魷魚有彈牙感帶微甜。🦐鹽燒虎蝦 $68/兩隻 ｜🍍菠蘿 $28 /兩件虎蝦燒到香口彈牙，菠蘿香甜中和膩感。🍹黎明來到 $48 | 🍹百

一提起秋香，可能大家即刻就諗到唐伯虎😆，而我就會諗到位於屯門嘅秋香居酒屋 ，一間提供中日fusion菜嘅居酒屋🥰。海苔魷魚天婦羅 $68天婦羅外層薄薄的一層炸漿，炸得十分香脆😍。魷魚🦑質感緊緻彈牙，味道鹹香鮮味，加上海苔，更覺香口😋。串燒尤其牛舌，真係一定要試下😋。日本岩手雞皮 $28雞肝 $32牛肋骨 $48鹽燒虎蝦兩隻 $68澳洲和牛牛舌心 $68燒物表面焦香乾身，雞皮脆口濕潤兼備，油香味滿滿😍；雞肝肝味濃郁🥰；牛肋肉口感軟腍，肉味香😋；虎蝦🦐口感爽彈，蝦味鮮香；厚切牛舌心非常爽滑juicy，滲出陣陣油香🤤。威士忌燒蠔兩隻 $88蠔肉肥美，十分新鮮，口感爽滑多汁，蠔味濃厚，燒完🔥之後噴上威士忌🥃，所以充滿了酒香味，令食味倍增。白酒香草忌廉煮蜆配酸種包 $128絕對係必叫菜式😍，蜆肉飽滿🦪，十分新鮮。自家製嘅忌廉汁香滑味濃，煮得十分出色，係靈魂所在🤤。配搭鮮甜的蜆肉或香口的酸種牛油多士，一試難忘😍😍。🆕️原條鰻魚炒烏冬 $148鰻魚肉質軟滑緊緻，肉香味甜，份量勁大因為係原條😍；烏冬口感滑溜，炒得乾身香口，加埋洋蔥、蔥花、木魚及秘製醬汁，味道香甜，令人忍唔住一口接一口😋。雪梨桂花蜜

我買了openrice $676 2人餐～另外用了XMAS60 可再減-$60。地方可能有D難找～如果唔熟屯門。不過當你找到時，突然會有種驚喜。Lee 度竟然有一間裝飾唔錯好有心思小店。首先有湯，前菜及 oysters. 最驚喜D炸物好特別有雞皮餃子～一定要試下。及D墨魚咀好大粒～好耐無見過咁大粒又好食。另外～仲有其他驚喜～我原本抱著串燒期望不大一般般小小件。到上菜，我估唔到D牛粒又大又厚又好juicy. 其他五花豬肉及 魷魚及 秋葵釀肉～仲之好大件又好好味。之後，飽到連個煲仔飯都差D食唔落。所以真係驚訝食炸物及串燒，竟然可以食到飽。以一間小店環境氣氛服務食物質素都好～好有居酒屋feel。雖然地方唔近地鐵站～不過附近有泊車位，值得去一躺去感受一下小店居酒屋。特別串燒及炸物～好好味呀！

臨近聖誕節，多咗好多餐廳出聖誕餐，今次跟朋友嚟到呢一間位於屯門嘅居酒屋🏮唔係住開屯門都未必識，食完整體味道唔錯，聖誕二人餐$798好夠食🔸是日餐湯熱辣辣飲返碗味噌湯，味噌湯調味唔錯岩岩好🔸前菜日式五色海藻，純天然五色海藻鹼性食品:有青鳳尾藻、赤鳳尾藻、海帶芽、羊栖菜、系寒天、海帶芽莖絲，卡路里低營養價值又高，配埋醬汁食好開胃脆脆辣三文魚他他，三文魚他他微辣好岩我鍾意食辣嘅人，配埋個餅乾係好香脆，又辣又脆食到停唔到口😂🔸蒜蓉辣椒燒蠔蠔真係燒到岩岩好熟度，蠔身滑口而且鮮味好出，蒜蓉同辣椒仲要好惹味🔸炸物拼盤雞皮餃子+海苔魷魚天婦羅+脆辣單骨雞翼雞皮餃子炸得好香脆，size大大嚿，脹卜卜，裏面係包住免治雞肉，咬落去啖啖肉；海苔魷魚天婦羅份量超多，炸粉夠薄，魷魚新鮮彈牙；脆辣單骨雞翼，就得，啱啱好夠脆口，肉質仲好嫩滑🔸白鱔煲仔飯主打煲仔飯‼️個人+$40會揀呢一款白鱔，白鱔嘅肉質好肥美，而且燒得好香，鍾意食白鱔嘅必揀，中間有一隻蛋黃，撈勻佢連埋蛋漿食飯底就一定唔會乾身，當然煲仔飯底仲有唔少飯焦啦，冬天食完暖笠笠真係啱晒
🔸串燒盛牛肋骨 + 日本黑豚肉 + 菠蘿 +秋葵釀蝦肉 +魷魚串+京葱雞幾款

極上二人前($698)🍴一開始會有是日餐湯🥣（麵豉湯)同日式前菜（五色海藻沙律)🥗先。之後有三款蠔🦪可以選擇，我哋就揀咗蒜蓉辣椒燒蠔辣辣地惹味d😙。炸物拼盤七選二我地就揀咗海苔魷魚天婦羅🦑同脆米芝士波🧀。平時炸魷魚都係椒鹽做調味為主，呢間用海苔幾特別😯，幾香同魷魚好夾😚。芝士波就勁流心，入面嘅芝士整到好似cream咁好軟滑😋。另外加咗脆炸一字骨手羽🍗($68)，炸粉夠薄一字骨夠晒方便🤪。黎呢度點可以唔試埋串燒呢😝，二人餐包咗個串燒盛，有齊牛肋骨🥩，日本黑豚肉🥓，菠蘿🍍，車厘茄🍅同秋葵釀蝦肉🍤。全部都各有特色，不過我哋唔夠喉另外加咗牛肋骨($48)，牛舌芯($68)，羊架🐑($78)同鹽燒 虎蝦🦐($)68，全部都冇咩可以挑剔👍🏻。主食原先想試白鱔煲仔飯🤤，最後賣哂食唔到😭，但意外試到呢個新嘅XO酱辣炒大蝦魷魚煲仔飯🙂‍↕️。呢個海鮮組合加埋XO醬勁惹味😋，撈飯嗰陣已經聞到勁香🤤，啲魷魚仲要好鮮甜添🦑。最後食埋綠茶蕨餅同芝士蛋糕🍰夠哂滿足。跟餐飲品有半價💰，我哋叫咗金桔檸檬青檸梳打🍋($26)同自家蜜餞檸檬西柚伯爵茶($24)，兩杯都比較清爽。另外兩個杯飲品就加錢叫咗黎明來到($48)同Y

唔係好抵，白鱔煲仔飯（招牌）白鱔新鮮好食，處理乾净，燒白鱔就已經好食，煲仔飯差d水準，米飯太濕，調味都唔夠香；食其他串燒比較好食，虎蝦、牛舌芯、鷄皮、鷄肝，飲杯小酒，幾好，煲仔飯唔推薦，而且有d貴。

今日落大雨，有小小涼意。入到屯門，朋友提意不如食煲仔飯，就帶咗我黎呢間係行仔嘅小小日式居酒屋到食晚飯。唔知係唔係大雨關係，當晚餐廳竟然得一枱客。入到去環境幾舒適，仲有啲玩味成份重嘅牌匾，都幾打卡。先叫一個主打嘅白鱔煲仔飯，再叫咗啲小食同串燒。雞皮餃子，唐揚豆池魚兩款炸物都好脆，雞皮餃子(4隻)偏油一啲但配咗個柚子醋食又唔錯。豆池魚(7-8條)配咗他他醬，魚仔黎講都幾漲卜卜厚肉，不過就要小心幼骨。日本味嶒釀蟹蓋期間限定嘅蟹蓋，蟹蓋入面有蟹肉蟹糕同蛋黃，撈勻後就可以點麵包條食，麵包有啲似sour dough質地，同埋有烘底。醬燒大圓茄子價錢有少少貴，佢係短身圓圓地果種茄子，介咗花再塗醬燒，面頭再加啲木魚碎。燒茄子本身就好食，但我唔係點食到佢醬燒嘅醬。原隻大啡菇，雞肝大啡菇好厚肉好juice。雞肝都幾大粒，好香炭燒味。鹽燒白鱔煲仔飯真係好好食！有5大塊鹽燒白鱔，白鱔好厚肉好爽口，魚皮都好煙韌，燒完好香口。中間有粒蛋黃同櫻花蝦，撈勻一齊食真係唔錯，但佢就冇飯焦。啲飯都有燒白鱔嘅醬汁同魚油香。最後加埋蟹蓋啲蟹肉蟹糕落個飯到食，好正。

食過午餐多次，今次係首次響秋香食晚餐，平時同兩老去食晏唔會「擒」上吧枱坐，今次同哥哥坐窗邊吧枱，夜晚有另一番景象。前菜雙拼咗明太子沙律跟黃金魷魚，明太子沙律食落嗦嗦聲，唔鹹嘅明太子，好驚喜，黃金魷魚都係嗰種味道，無乜特別。免治雞肉棒內有雞軟骨，好有層次，醮蛋加醬油食，其實有少少膩，不過整體嚟講係好味嘅。大圓茄子啖啖茄肉，醬油味剛好，唔會好鹹，唔錯。椒鹽雞軟骨夠脆，熱辣辣好好味。泡菜豚肉煲仔飯份量不能看少，足有兩碗飯，餸料相對好足，泡菜好多，肉亦唔少，味道頗濃，撈咗蛋漿都係有點膩，無飯焦嘅煲仔飯，都好味嘅。

我哋過了午市繁忙時間才入席，但都要等了約25分鐘，才上食物。$148再加一的午市串燒：串燒唔好食。豬腩肉肉靭、牛肋肉有𡁻口😓、雞翼勁大浸雪味、蕃茄菠蘿正常（其實都好難唔好食😂）。已經主打串燒都可以咁既質素，真係…最過分係嗰「飯」。上碟時一望已覺得怪怪，因為每粒米的顏色有半粒都是白色，似是未熟透。吃了一啖，硬到不能入口。立即向侍應小姐反映，他說因為是日本米，所以比較硬。我真的忍不住說：我在日本也未曾吃過這樣質感的米。然後他把飯退回廚房。隔了2分鐘後，換上另一碗飯，這碗是熟透的飯，質感是偏硬，但可以入口的，一定不是剛才那款生米的硬。$208 再加一的午市牛舌芯煲仔飯。質素ok , 但唔係每舊都係最冧嗰part，同埋唔值呢個價錢。試一次就夠。隨餐附送可樂，以為係一罐罐（全間鋪頭放滿一罐罐汽水），點知係低成本半杯冰可樂（飲到尾好淡、好多水）。呢個價位的午餐（人均$200），offer 呢款可樂，真係…..總結：環境適合打卡。食物質素👎🏻見到其他人評語預左未必好好，而今次個人經驗都覺得性價比好低、串燒質素欠佳、一定唔會再有下次。

想搵一間特色既餐廳同朋友食飯，於是我地就入屯門點「秋香」，聽個名已經好特別。秋香個名好中式，但入面既感覺係日式復古居酒屋～多左一種反差萌，店內有星爺日明句「別人笑我太瘋癲，我笑他人看不穿」絕對係打卡位😎🤟🏻但店內播既係日文歌🤣個感覺好得意～我地叫左4個set⭐️真.牛舌心煲仔飯（$208）佢地既煲仔飯係必點之一，牛舌切到細細粒有口感但唔韌，加埋雞蛋洋蔥蔥花等配料加埋佢煲仔飯既醬汁撈埋一齊真係好好食而且仲有飯焦無得頂😋我地食完再將另一個set既飯倒落去撈都仲好夠味😋⭐️冬陰功大蝦蟹肉手工意粉（$88）冬陰功意粉出面唔多有，一於試試佢，手功意粉好彈牙，意粉好足料,好多隻大蝦，冬陰功醬唔會太辣，怕辣人士都食得🫶🏻成個意粉味道都好夾好出色😋⭐️秋香串燒盛（$148）串燒盛入面有「牛肋骨，日本豬腩肉，雞翼，菠車厘茄」豬腩肉真係好好食！肥而不膩，調味岩岩好～好食！牛肋骨都唔會太靭，好香牛味同有咬口🥰雞翼都燒到好香脆🤩菠蘿同車厘茄好Juice 好甜😋全部都好夠味，唔洗額外點調味。我地就係將呢個set既飯放埋落真.牛舌芯煲仔飯到撈，都仲係好夠味！正⭐️太陽蛋煙肉薯餅牛角包窩夫配薯條（$98）牛角包窩夫本身都好

這家煲仔飯有不少好評，想試了很久，終於趁老公生日來慶祝。 燒牛舌芯‘正’；紫菜尤魚天婦羅不錯吃，但硬了一點；甲羅燒“超正”，空口吃較夾著多士吃更美味；招牌白鱔煲仔飯，白膳肥美，飯都不錯，其實$2xx都幾貴，但重點是好吃。

朋友生日搵左依間在附近的餐廳食飯門面的位置已經非常吸睛極上二人前 鹽燒白鱔煲仔飯套餐包括了：➡️前菜➡️火炙の物(蟹肉+三文魚+鯛魚+威士忌蠔)➡️炸物(炸蝦🍤+炸雞🍗+炸芝士波)➡️串燒(和牛粒+雞全翼+黑豚+雞脾菇+秋葵+菠蘿🍍)➡️煲仔飯 ➡️甜品· 白鱔煲仔飯 真的！超級好吃😋白饍肉質厚實🤤煲仔飯的重點當然是飯焦 勁香勁好食 ·整體全部都好吃😋雖然是少貴 但都值得再去🤗飲品方面 比較普通 不喝酒的我 真的不懂得欣賞酒的味道 真的非常抱歉

專登入左屯門試下隱世煲仔飯，餐廳環境氣氛良好，有特色。二人餐首先有前菜有味噌湯，威士忌燒蠔好正，帶酒香之餘仲保留緊蠔嘅海鮮味，食落都好Creamy。串燒拼盤，日本厚切豚肉串及牛肉串，肉質非常鮮嫩，啖啖肉汁，肉味亦都非常香濃。除咗肉類仲有燒車厘茄同埋菠蘿。炸物拼盤，有炸多春魚、海苔魷魚、炸雞塊，特別推介炸多春魚，炸粉好薄，而且好香脆。嚟到一定要食煲仔飯，我哋揀咗玉子蟹肉蟹柳蟹膏大混戰煲仔飯，蟹棒同埋玉子，勁大嚿勁厚身，中間仲有勁多蟹膏同埋蛋黃，撈埋一齊食，真係好邪惡，嚟到一定要試吓。食完飯點少得甜品，有脆脆乳酪配綠茶蕨餅。之後仲叫咗啤酒同埋黎明來到，黎明來到有啲似雜果賓治酸酸甜甜十分開胃。

隱世屯門嘅煲仔飯，我哋終於入嚟食。叫咗個二人餐，有前菜有餐湯有串燒拼盤有炸物拼盤仲有一個煲仔飯，我哋揀咗玉子蟹肉蟹柳蟹膏大混戰煲仔飯。個威士忌燒蠔好正，唔會太熟仲保留緊蠔嘅海鮮味，脹卜卜好易入口，好Creamy！炸物方面有炸魷魚圈多春魚同埋雞件，勁鍾意食魷魚，因為入邊有成條魷魚嘅感覺好新鮮炸粉又唔會太多。串燒拼盤超抵食，有和牛，有燒車厘茄燒豬腩肉仲有燒菠蘿。終於到個煮食係玉子蟹肉蟹柳蟹膏大混戰煲仔飯！超大條玉子蟹柳，然後勁多蟹膏+1個生蛋撈埋一齊口感，好豐富，每一啖都食到有蟹肉，啲飯啱啱好有少少飯焦好香口！估唔到呢度嘅煲仔飯就係咁隱世。飲咗杯米酌，同黎明來到。食吓串燒，再望吓四周圍寫住唐伯虎點秋香，原來呢間舖頭嘅名就係甘黎。