民園麵家 (Closed)

好少會推薦麵家，因為我真係覺得無乜邊間係特別好食！不過，民園既豉油王撈大家真係要試下！話說民園有大量明星食客，全間鋪都係明星相！當然我唔係好信既，要自己食過先知！確實，呢到係有與別不同既地方既！推薦牛腩水餃豉油王撈河，因為牛腩真係炆得剛剛好，時間同味道一流，完全唔會痴牙，半根半腩！水餃又非常足料，好正！最重要係佢地既豉油王撈，d豉油非常好食，非一般既豉油！好濃但唔會死咸，撈完出黎好似完全唔油既乾炒牛河咁！但豉油味好香，我都真係唔係好識形容！真係要自己試過先知！