大紅袍火鍋料理 (Closed)

昨晚朋友聚餐在大紅袍，太子間舖服務好好，金屋藏嬌的份量冇想像中咁大，被店員建議不要叫住配菜先，因為鍋底料都足，結果一上來金屋藏嬌被我們十分鐘就食晒可能係好肚餓啦，之後再加配菜，望住個爐等左五分鐘三個人可以大膽一開始就叫六個配菜啦！鍋底隻雞好好味，我地唔食牛，所以叫左西班牙豬，真係好正！好嫩的口感，之前冇試過，好抵。炸腐竹必叫。新鮮炸的腐竹在雞湯裡面浸兩下，好鮮甜，點配料的日本豉油，好襯。魚皮餃的內餡有成舊肥豬肉，太油膩，下次唔會再叫。蝦滑都好好味！