Video
Read full review
2023-08-01
333 views
《禮 - 太子》今次又去試咗間位於太子嘅居酒屋，有次行過見到佢有兩小時任飲清酒啤酒放題，對於我呢啲酒鬼嚟講真係好吸引，所以今次帶埋個朋友過嚟飲吓嘢傾吓偈，唔覺唔覺叫咗好多嘢食添🤭如果飲得多嘅話，其實$98一位任飲清酒真係好抵玩🤣又飲又食變相食得更多嘢💁🏻♀️紫菜芥末八爪魚 $58前菜叫左個送酒一流既菜式，辣辣地既芥末八爪魚卷埋紫菜一齊食可以中和番個攻鼻既感覺，超開胃😘💁🏻♀️味醂魚乾 $78同樣都係送酒既菜餚，雞泡魚乾同酒精係perfect match 既配搭，味道甜甜地帶出左清酒既甘甜，點埋蛋黃醬食不知不覺令到胃口大開💁🏻♀️厚切牛舌芯 $68牛舌芯軟糯無渣，有陣陣既牛肉香味，本身已經調好左味，咬落去有肉汁又唔會有臊味👍🏻好食💁🏻♀️日式薯餅 $58佢呢個薯餅入面嘅餡料係粟米忌廉味的，趁熱食外面脆卜卜，不過食既時候要小心啲，啲忌廉汁好燙口，但味道好香濃👍🏻👍🏻推薦💁🏻♀️味噌燒大腸 $48如果鍾意食內臟既話會好喜歡呢款串燒，食落有咬口，越咀嚼個味噌既味道會越出，咸香味十足，不過最好兩個人share一串啦，因為佢既油份較高，食得多會有少少膩💁🏻♀️岩鹽燒羊架 $78平日我好少食羊架，不
今次又去試咗間位於太子嘅居酒屋，有次行過見到佢有兩小時任飲清酒啤酒放題，對於我呢啲酒鬼嚟講真係好吸引，所以今次帶埋個朋友過嚟飲吓嘢傾吓偈，唔覺唔覺叫咗好多嘢食添🤭如果飲得多嘅話，其實$98一位任飲清酒真係好抵玩🤣又飲又食變相食得更多嘢
💁🏻♀️紫菜芥末八爪魚 $58
前菜叫左個送酒一流既菜式，辣辣地既芥末八爪魚卷埋紫菜一齊食可以中和番個攻鼻既感覺，超開胃😘💁🏻♀️味醂魚乾 $78
同樣都係送酒既菜餚，雞泡魚乾同酒精係perfect match 既配搭，味道甜甜地帶出左清酒既甘甜，點埋蛋黃醬食不知不覺令到胃口大開💁🏻♀️厚切牛舌芯 $68
牛舌芯軟糯無渣，有陣陣既牛肉香味，本身已經調好左味，咬落去有肉汁又唔會有臊味👍🏻好食💁🏻♀️日式薯餅 $58
佢呢個薯餅入面嘅餡料係粟米忌廉味的，趁熱食外面脆卜卜，不過食既時候要小心啲，啲忌廉汁好燙口，但味道好香濃👍🏻👍🏻推薦💁🏻♀️味噌燒大腸 $48
如果鍾意食內臟既話會好喜歡呢款串燒，食落有咬口，越咀嚼個味噌既味道會越出，咸香味十足，不過最好兩個人share一串啦，因為佢既油份較高，食得多會有少少膩💁🏻♀️岩鹽燒羊架 $78
平日我好少食羊架，不過見店員勁力推薦，我地兩個人叫左一份試下😉羊味都係有既，不過唔算係太臊，由於佢脂肪比較豐富，記住一定要趁熱食🤣凍左啲肉實左就唔好食架啦，我個人幾鍾意佢配埋芥末醬比我地，可以中和番油膩感💁🏻♀️京蔥雞肉串 $48
朋友話好想食京蔥，我就叫左個雞肉串比佢啦，燒京蔥其實真係幾好食，蔬菜汁勁鮮甜同雞肉味勁夾，塗上燒汁再燒香後更加惹味😋
💁🏻♀️雞心 $32
平時其實好少食雞腎呢類型嘅串燒，因為有陣時都驚佢好大浸血腥味，不過呢一串食落又唔覺得太過重味，個質感有少少似雞潤，食落口感都幾特別
💁🏻♀️秘制半熟鰹魚他他 $118
之前喺其他日式餐廳試過鰹魚他他覺得好好食，見到呢度有所以打算試下呢度既手勢😉佢同一般既他他做法好唔同，呢度既鰹魚他他無做成肉醬，反而係切成一片片咁，下面再配埋一啲沙律菜同埋落左酸甜既醋汁提鮮，魚肉表面經過灸燒，食落都焦香而入面嫩滑，成道菜食到多重口感💁🏻♀️清酒煮蜆 $88
食左咁多濃味野，食番啲有湯既野可以清清味蕾，佢個酒味唔會太濃烈，唔飲酒既朋友都食得到，啲蜆無沙之餘個肉都幾大片，有鮮味之餘仲啖啖肉💁🏻♀️厚燒豆腐 $38
成晚入面我最鍾意既菜式之一，個豆腐本身應該有醃製過，經過醬燒後味道更加香濃多汁，一啖會咇曬啲汁出黎，好好味😭應該一開始就叫佢，咁我就實會encore 多round💁🏻♀️「素」鹹蛋媽媽素肉棒 $48
叫個素肉棒食落口感一啲都唔似係素，真係好似肉類🥩上面淋左用咸蛋黃調製既醬汁，食落香濃有奶香
Post
