Video
Read full review
2018-11-01
303 views
蒸海鮮香港愈黎愈多，之前一直聽朋友話倫哥系列既餐廳唔錯，今日經過一於同男朋友試下呢間倫哥新開既蒸海鮮~入到間鋪以為好細點，點知原來有二樓，二樓空間大，一家大細黎食都坐得舒服!當我地睇緊餐牌既時候，店員就首先拎左碗湯比我地一路飲一路慢慢睇!燉湯熱辣辣又足料，湯配料有雞腳、龍眼肉，紅棗、豬肉等，飲落口好清甜，作為開首暖一暖個胃就岩哂!望落餐牌，我地諗到唔諗就叫左個餐，當日固定供應既海鮮材單包括:聖子,鮑魚,蠔,蝦,龍蝦,龍躉腩,蟹,鮮魷腸粉，當中仲有一啲隱藏菜式，包括蒸蔬菜、蒸飯同埋甜品黑糖冰涼粉!第一道菜係蒜蓉蒸聖子，黎到店員幫我地計哂時，我地只係係度等食。聖子非常鮮甜，配合蒜蓉去蒸真係好正!可惜，每人只係得一隻，食完有點不夠喉 鮑魚我們選擇了果皮去蒸，店員服務非常周到，店員會幫客人起埋肉再上碟。鮑魚雖然果皮味唔係好出，但係鮑魚食落口好OK!彈牙又好好口感，正!由於當日冇花甲關係，餐單上改由蠔代替。我地選舉左用薑蔥去蒸，食落口一啲腥味都冇，非常鮮甜呢~ 接著是每人兩隻大蝦，清蒸依然鮮味十足，讚!食前比較期待的是龍蝦，食後果然冇令我地感到失望，食落口肉感一流，清蒸亦好有鮮甜味!蟹雖然是一人
入到間鋪以為好細點，點知原來有二樓，二樓空間大，一家大細黎食都坐得舒服!
當我地睇緊餐牌既時候，店員就首先拎左碗湯比我地一路飲一路慢慢睇!燉湯熱辣辣又足料，湯配料有雞腳、龍眼肉，紅棗、豬肉等，飲落口好清甜，作為開首暖一暖個胃就岩哂!
望落餐牌，我地諗到唔諗就叫左個餐，當日固定供應既海鮮材單包括:聖子,鮑魚,蠔,蝦,龍蝦,龍躉腩,蟹,鮮魷腸粉，當中仲有一啲隱藏菜式，包括蒸蔬菜、蒸飯同埋甜品黑糖冰涼粉!
第一道菜係蒜蓉蒸聖子，黎到店員幫我地計哂時，我地只係係度等食。聖子非常鮮甜，配合蒜蓉去蒸真係好正!可惜，每人只係得一隻，食完有點不夠喉
鮑魚我們選擇了果皮去蒸，店員服務非常周到，店員會幫客人起埋肉再上碟。鮑魚雖然果皮味唔係好出，但係鮑魚食落口好OK!彈牙又好好口感，正!
由於當日冇花甲關係，餐單上改由蠔代替。我地選舉左用薑蔥去蒸，食落口一啲腥味都冇，非常鮮甜呢~
接著是每人兩隻大蝦，清蒸依然鮮味十足，讚!
食前比較期待的是龍蝦，食後果然冇令我地感到失望，食落口肉感一流，清蒸亦好有鮮甜味!
蟹雖然是一人半隻，但都好多肉食，同其他海鮮一樣肉感鮮甜，非常美味
龍躉腩我們選擇左XO醬，一開始以為龍躉腩上面果啲就係XO醬，食落先知原來係黑松露醬。黑松露、配搭XO醬在龍躉腩上非常美味，大家不妨可以試下呢個配搭。
鮮魷腸粉一開始我以為因為鮮魷似腸粉，所以成碟都係鮮魷，食落口先知原來真係鮮魷同腸粉混在一起。廚師事先已經將沙嗲醬同麻醬滲入左去每一條鮮魷同粉腸入面，雖然口感幾特別同幾好食，但兩個人食的話份量真的太多，會愈食愈"腻"。
最後的一說菜係蒸飯，份量非常多，如果前面一堆蒸菜都食你唔飽既話，呢道菜一定會填飽你!雖然係最後一道飯菜，但用料非常多，飯入面有臘腸，臘肉，排骨，腩片，蝦乾，南瓜，芋頭，粟米等等，蒸十多分鐘後加入豉油撈埋就食得。雖然口感冇話好特別(可能係我地已經好飽)，但我地竟然都食得哂成個飯，哈哈!
順道一提，食咁多味海鮮中間仲有一份蒸蔬菜作"中場休息"，大家唔洗咁擔心淨係食海鮮冇蔬菜落肚啦!
食到最後仲有一碗黑糖冰涼粉。有別於傳統涼粉，呢度既涼粉係透明狀，配上黑糖和提子乾真係好好美，作為咁多道蒸菜既收尾真係非常完美!大家如果唔係食既話，店員話仲可以再添呢，哈哈!
唔知係咪新店開張關係，佢地做緊PROMOTE只要LIKE FACEBOOK就送飲品，想叫野飲前記得問一問店員呀!
埋單500元有找，非常超值，海鮮鮮甜店員服務好，一定會再有下次!推薦大家得閒都要去試下，哈哈。
Post
