Video
Read full review
2023-05-03
759 views
📌 八不 - 太子大南街52號地舖🗓(3/5) 星期三 ⏰ 下午1點左右 💈特式：我個人好鐘意食正宗嘅日式壽喜燒，唔係火鍋湯底個款，但香港好少搵到正宗又好食嘅壽喜燒，除非好貴要成千蚊個d，朋友介紹太子有一間專做壽喜燒嘅專門店，價錢仲要唔太貴，今日就抱住試下嘅心態嚟同大家試下。🥩🍔🌭🌮🥗🥯🥘🍲🍝🍣🥟🍤🍱食物：佢地有5款壽喜燒提供，包括3款不同級數嘅牛肉同兩款豚肉，價錢最平就$148去到最貴就係$368，價錢起碼算係普通市民都比得起先，而家等我同大家講下🐮嘅味道先。澳洲M8+和牛壽喜燒 $268 - 我今次就揀左個中間級數嘅嚟試試，個壽喜燒會跟埋一個蔬菜拼盤同一隻日本雞蛋，肉就大約有17~18片，但size就唔算好大塊，首先店員會用牛油粒幫手開鑊同放入洋蔥/京蔥調好個汁底，之後就自己根據自己嘅喜好慢慢一片一片咁去煮，牛肉薄身所以好快熟，大約每邊2~3秒都已經ok，肉質軟淋，都有牛味。食完牛店員會主動幫忙換鍋，再調個新鍋底都煮蔬菜拼盤。吉列千層豚 $78 - 我上網見到好多人都會叫呢個，所以就叫嚟試下，店員都有講呢個都係餐廳招牌菜，事實都真係做得唔錯，佢炸得個外皮好酥脆，入面有多層
🗓(3/5) 星期三 ⏰ 下午1點左右
💈特式：我個人好鐘意食正宗嘅日式壽喜燒，唔係火鍋湯底個款，但香港好少搵到正宗又好食嘅壽喜燒，除非好貴要成千蚊個d，朋友介紹太子有一間專做壽喜燒嘅專門店，價錢仲要唔太貴，今日就抱住試下嘅心態嚟同大家試下。
🥩🍔🌭🌮🥗🥯🥘🍲🍝🍣🥟🍤🍱
食物：佢地有5款壽喜燒提供，包括3款不同級數嘅牛肉同兩款豚肉，價錢最平就$148去到最貴就係$368，價錢起碼算係普通市民都比得起先，而家等我同大家講下🐮嘅味道先。
澳洲M8+和牛壽喜燒 $268 - 我今次就揀左個中間級數嘅嚟試試，個壽喜燒會跟埋一個蔬菜拼盤同一隻日本雞蛋，肉就大約有17~18片，但size就唔算好大塊，首先店員會用牛油粒幫手開鑊同放入洋蔥/京蔥調好個汁底，之後就自己根據自己嘅喜好慢慢一片一片咁去煮，牛肉薄身所以好快熟，大約每邊2~3秒都已經ok，肉質軟淋，都有牛味。食完牛店員會主動幫忙換鍋，再調個新鍋底都煮蔬菜拼盤。
吉列千層豚 $78 - 我上網見到好多人都會叫呢個，所以就叫嚟試下，店員都有講呢個都係餐廳招牌菜，事實都真係做得唔錯，佢炸得個外皮好酥脆，入面有多層好軟滑多汁嘅豚肉，中間仲有夾雜左芝士，食落層次豐富，極之推介。
吉列車海老 $78 - 呢個價錢包左兩隻大虎蝦，仲有洋蔥天婦羅/冬菇天婦羅各一件，隻蝦size都係幾巨，足足有成支竹籤咁長，外層炸漿同蝦殼都炸到脆卜卜，成隻蝦可以連殼都消滅埋。
吉列廣島蠔 $78 - 炸蠔一碟有4隻，同埋茄子天婦羅/南瓜天婦羅各一件，d炸蠔隻隻都肥大飽滿，有蠔味，雖然唔算太重，但都算合格。
☕️🍵🥤🧋🍺🍷🥃🍹🧉🍾🍶🥛
飲品 : 飲品都有唔少日本清酒，唔飲酒嘅朋友都仲有好多選擇，例如成日係Donki都會見到嘅日本茶/果汁/汽水等等。
🍽環境：餐廳環境好靚好日式，用上大量木系風格裝修/枱凳，另外擺設上亦好有心思，有不少宮崎駿嘅公仔裝飾，另外餐廳仲有幾面特式牆，打卡一流。
🤵🏻🤵🏻♀️🤵🏻♂️服務：店員服務好好，好有禮貌同友善，落單係用QR Code落單，上菜速度正常，上菜後店員會幫我開鑊處理個汁底，之後就好用心講解之後嘅步驟。
💰💸價錢：叫左一個壽喜燒set同3個單點食物，埋單就$502蚊無加一，未算話好抵食，但如果香港食壽喜燒，仲要有服務嚟講，佢個價錢都算合理。
🐲💬總結：佢除左主打壽喜燒之外，其他日式料理都看似幾吸引，我應該都會再次回頭幫襯。
推薦指數：❤️❤️❤️❤️🤍
澳洲M8+和牛壽喜燒
$268
28 views
0 likes
0 comments
澳洲M8+和牛壽喜燒
$268
23 views
0 likes
0 comments
吉列千層豚
$78
32 views
0 likes
0 comments
吉列車海老
$78
36 views
0 likes
0 comments
吉列廣島蠔
$78
52 views
0 likes
0 comments
Post
