Simply Thai MODERN CUISINE

Open Now

Now Closed

成個星期都好忙碌，放假去拜山又香港又內地，又塞車又大雨，趕時間求其係咁意食d嘢就算，個人都好攰。星期日午睡休息夠後同老公出去行下街食下嘢，選了間泰式餐廳嘆返個靚dinner 。小食拼盤（蝦餅，魚餅，雞翼，泰式腸）$118我地鍾意d煎炸嘢，點個拼盤，樣樣小食都有。個拼盤擺盤好靚，係英式下午茶層架。有蝦餅魚餅，都幾爽口彈牙。泰式腸第一次食，小圓波造型原來好香蒜蓉味。泰式燒豬頸肉飯套餐$88 d豬頸肉燒得好香好吸引，入口好爽嫩，配埋泰式魚露醬汁好惹味。餐飲揀咗龍眼冰。泰北咖喱麵套餐$98打卡一流，好有驚喜。味道好濃郁，相信個咖喱用了多種香料，微辣帶香濃椰奶，上面d脆脆炸蛋麵連同湯蛋麵一齊食落都幾有風味。咖喱湯入邊仲有一隻原隻雞髀，啲雞髀肉好腍。餐飲選了青檸梳打。印度薄餅$15呢個用來蘸泰北咖喱麵d湯汁，食落香酥好好味。泰式炒金邊粉（蝦）$88個金邊粉份量十足炒得好有鑊氣，夠爽又唔油，d蝦好大隻蝦肉都爽口。我地兩個人眼闊肚窄，點得太多，最後食唔晒，我打包了做明天上班的豐富午餐。