得閒飲茶

Open Now

Now Closed

喺太子嘅運動場道附近開咗好多唔同嘅港式點心店，呢一間得閒飲茶，原來喺元朗都有分店，相信品質應該唔錯。今日午飯嘅時間同朋友嚟到呢一度試吓佢嘅港式點心。茶方面有普洱、鐵觀音以及香片選擇，選擇都唔少。春風得意腸呢個春風得意腸除咗入邊包左香脆嘅油炸鬼之外，面頭仲有蟹子，有少少日本嘅特色。口感好獨特，鬆脆可口。千島脆炸蘿蔔糕估唔到蘿蔔糕用炸漿包好，炸到鬆脆，口感好特別。淋上千島醬之後，更加開胃。生煎菜肉飽肉質仍然保持juicy, 扁扁的！同傳統嘅生煎包唔同，都幾香口！食完兩款咁香口嘅點心後，真係要食翻一啲傳統嘅蒸點。豬肉燒賣及山竹牛肉永遠都係香港人嘅至愛，山竹牛肉非常飽滿，底下嘅腐竹都好入味。飲茶都係香港人鍾意嘅活動，大家如果想飲茶，可以試吓呢一間得閒飲茶。