紅番茄餐廳 (Closed)

今日去太子上完堂，又緊係搵飯食既時候啦，行下行下就見到間舖啲野好似好得啱，就係左黎紅番茄試下。今日去叫左個 Dinner set 三文魚扒配西冷 跟羅宋湯 煙三文魚沙律羅宋湯 - 羅宋湯最緊要係味道夠濃，本身都唔錯，如果可以再辣少少就更加好。煙三文魚沙律 - 小弟好鐘意煙三文魚果種煙燻味，今次件煙三文魚就可以滿足到我啦，煙燻味夠加上黑醋既化學作用好特別。我喜歡。三文魚扒配西冷牛扒 - 其實紅番茄上菜，都真係幾注重外觀。牛扒香煎成小脆皮，夠香口，加上三文魚扒都係啖啖肉，最啱我依隻食肉獸，兩三下就KO晒佢。店內客人唔算多，愛寧靜既我就啱晒，下次係以試下佢地啲 Pasta。