Video
Read full review
2022-05-24
487 views
💎總評分：7.0/10-呢日喺附近買完寵物用品，經過呢間聽個名都知主打車仔麵嘅小店🍜，門口放左個九宮格sample，裝修新淨企理，走文青木系風🪵。開始點餐時，店員就話老闆喺日本學過師，想將日本拉麵文化引入車仔麵🇯🇵，所以餐廳嘅湯底用左大量豚骨熬製，講到咁點可以唔試？1️⃣ 自選車仔麵 $68兩餸起，最低消費$38，普通麵底$12，配合日式原素仲有$15嘅稻庭烏冬同埋拉麵🍜！令人期待嘅湯底果然有濃郁豬骨味，加埋腩汁，係非一般車仔麵店食到嘅味道😋。配料由$9起，基本野例如沙嗲牛肉、韭菜餃🥟、雲吞、豬大腸等當然有。最吸引當然係原件花膠🤤，只要加$24就有兩大塊，女士們必叫❤️！日式叉燒都係人氣之選，味道唔錯但係厚啲就更加好啦🤭！小編推介牛肋條🐂，炆得又淋又入味，另外仲想試秘製魷魚🦑。。。不過剔漏左～2️⃣ 九格定食 $108無諗過車仔麵店都有得食九格定食😗，D餸仲要包括左好多人氣之選，包括花膠湯、豬手🐽、豬軟骨、醉雞🐔、墨魚餅、蘿蔔🥕、冬菇、秋葵、糖心蛋🥚。最令人滿意嘅當然係花膠湯，入面成塊花膠真材實料，成個定食即刻抵晒😍！ 出色嘅仲有豬軟骨，煮得夠軟淋入味，豬手亦都大大嚿🐷，醉雞都有花雕味，墨魚餅就
-
呢日喺附近買完寵物用品，經過呢間聽個名都知主打車仔麵嘅小店🍜，門口放左個九宮格sample，裝修新淨企理，走文青木系風🪵。開始點餐時，店員就話老闆喺日本學過師，想將日本拉麵文化引入車仔麵🇯🇵，所以餐廳嘅湯底用左大量豚骨熬製，講到咁點可以唔試？
1️⃣ 自選車仔麵 $68兩餸起，最低消費$38，普通麵底$12，配合日式原素仲有$15嘅稻庭烏冬同埋拉麵🍜！令人期待嘅湯底果然有濃郁豬骨味，加埋腩汁，係非一般車仔麵店食到嘅味道😋。配料由$9起，基本野例如沙嗲牛肉、韭菜餃🥟、雲吞、豬大腸等當然有。最吸引當然係原件花膠🤤，只要加$24就有兩大塊，女士們必叫❤️！日式叉燒都係人氣之選，味道唔錯但係厚啲就更加好啦🤭！小編推介牛肋條🐂，炆得又淋又入味，另外仲想試秘製魷魚🦑。。。不過剔漏左～
2️⃣ 九格定食 $108無諗過車仔麵店都有得食九格定食😗，D餸仲要包括左好多人氣之選，包括花膠湯、豬手🐽、豬軟骨、醉雞🐔、墨魚餅、蘿蔔🥕、冬菇、秋葵、糖心蛋🥚。最令人滿意嘅當然係花膠湯，入面成塊花膠真材實料，成個定食即刻抵晒😍！ 出色嘅仲有豬軟骨，煮得夠軟淋入味，豬手亦都大大嚿🐷，醉雞都有花雕味，墨魚餅就稍為簿左少少🥲。定食配白飯及稻庭烏冬各一碗🍚，一個人食恐怕太多澱粉，應該design俾兩個人share，但係某D配料例如雞翼、糖心蛋等係一隻開邊🙊，若然嫌唔夠飽，追加一兩個小食就應該大滿足了🍢！
九格定食
$108
7 views
0 likes
0 comments
九格定食
$108
8 views
0 likes
0 comments
3️⃣ 壹碟菜 $20車仔麵可以$12加菜，不過小編呢碟嘅份量係小食單點哦🥬！
成餐飯滿滿嘅骨膠原💁🏻♀️，以呢個價錢值回票價🤑，若然唔係想影九宮格打下卡，小編覺得車仔麵最抵食👍🏻。另外仲有飯餐，價錢$50-$60，啱晒喺附近返工人嘅男男女女😌！
-
環境服務：⭐⭐⭐
食物質數：⭐⭐⭐
打卡指數：⭐⭐
Other Info. :
🚗 今次好好彩咁喺金魚街揾到咪錶，買完野就行過嚟食。
(The above review is the personal opinion of a user which does not represent OpenRice's point of view.)
Post
