名寶石餐廳

Open Now

Now Closed

已經唔記得有幾多年歷史，最少應該30年。名寶石餐廳，位於太子道西，女人街附近，是上世紀高消費的扒房。點了兩個精選午餐 HKD 168一位忌廉湯或羅宋湯，我的選擇一向都是羅宋湯，這裏的紅湯味道濃郁，真材實料。配上圓轆轆餐包，傳統扒房的味道出晒黎。對上一次來食早餐，點了牛仔骨，十分滿足。今次選了肉眼扒跟蒜蓉汁， 賣相唔做作，牛扒大大件又厚身，有水準。最後來一客啫喱甜品，加花奶是指定動作。今日跟老友記來名寶石餐廳共進午餐，回味花樣年華。